-
Mɛnɔ Ji Mawu?O Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se
-
-
4. Yehowa suɔ nɛ o le e biɛ, nɛ́ o kɛ tsɛ lɛ
Mɛni tsɔɔ kaa Yehowa suɔ nɛ o le e biɛ? Mo je VIDEO ɔ, nɛ nyɛ susu sane bimi nɛ ɔ he.
Mɛni he je nɛ o susu kaa Yehowa suɔ nɛ waa le e biɛ ɔ?
Yehowa suɔ kaa nihi nɛ a ngɔ e biɛ ɔ kɛ tsɛ lɛ. Nyɛɛ kane Roma Bi 10:13, nɛ nyɛ susu sane bimihi nɛ nyɛɛ se nɛ ɔmɛ a he:
Mɛni he je nɛ e he hia nɛ́ waa ngɔ Mawu biɛ nɛ ji Yehowa a kɛ tsɛ lɛ?
Ke nɔ ko kai o biɛ nɛ e kɛ tsɛ mo ɔ, kɛ o nuɔ he ha kɛɛ?
Kɛ o susu kaa Yehowa maa nu he ha kɛɛ ke o kɛ e biɛ ɔ tsɛ lɛ?
-
-
Bɔ Nɛ Lakpa Jamihi Gbeɔ Mawu He Guɛ HaO Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se
-
-
1. Ngɛ mɛni blɔ nɔ nɛ lakpa jamihi ngɔ a tsɔɔmi ɔmɛ kɛ gbe Mawu he guɛ?
Lakpa jami ɔmɛ ‘ngɔ Mawu he anɔkuale ɔ kɛ tsake lakpa.’ (Roma Bi 1:25) Kaa nɔ hyɛmi nɔ́ ɔ, jamihi fuu tsɔɔ we a jami mi bi ɔmɛ Mawu biɛ ɔ. Se Baiblo ɔ tsɔɔ kaa e sa nɛ waa kɛ Mawu biɛ ɔ nɛ tsɛ lɛ. (Roma Bi 10:13, 14) Jehanɛ se hu ɔ, jami hɛ mi nyɛɛli fuu tsɔɔ kaa ke sane yobu ko ba a, Mawu lɛ ha nɛ e ba. Se e ji lakpa. Pi Mawu nɛ haa nɛ ní yayamihi baa. (Kane Yakobo 1:13.) Aywilɛho sane ji kaa, lakpa tsɔɔmi nɛ ɔmɛ haa nɛ e he waa kɛ haa nihi kaa a ma ná suɔmi kɛ ha Mawu.
-