14. Mɛni wa ma nyɛ ma de kɛ wo nihi nɛ a ngɛ aywilɛho yee ɔ a bua?

¹⁴ Ke jã a, lɛɛ e he maa wa kaa wa maa le nɔ́ nɛ wa ma de nɔ ko nɛ e ngɛ aywilɛho yee ɔ. Se kɛ̃ ɔ, Baiblo ɔ tsɔɔ kaa “ní lelɔ nya mi munyu tsaa nɔ.” (Abɛ 12:18) Nihi fuu na bua womi munyuhi ngɛ womiyo nɛ ji When Someone You Love Dies ɔ mi, nɛ a kɛ wo nihi a bua.c Se behi fuu ɔ, nɔ́ nɛ yeɔ bua wawɛɛ nɛ wa ma nyɛ maa pee ji kaa ‘nihi nɛ ngɛ ya foe ɔ, waa kɛ mɛ ma fo.’ (Rom. 12:15) Gaby nɛ e huno gbo ɔ hu tsɔɔ kaa behi fuu ɔ, nɔ́ nɛ e peeɔ kɛ woɔ e bua pɛ ji kaa e foɔ ya. E de ke: “Enɛ ɔ he je nɛ ke ye huɛmɛ piɛɛ ye he kɛ fo ya a, e woɔ ye bua a nɛ. Ke e ba lɛ jã a, i naa lɛ kaa nɔ ko piɛɛ ye he.”

20. Mɛni he je nɛ Yehowa si womi ɔmɛ woɔ wa bua a?

²⁰ Hyɛ bɔ nɛ wa bua jɔ ha kaa wa ba le kaa e be kɛe nɛ Yehowa, Mawu nɛ woɔ nɔ bua ngɛ nɔ́ tsuaa nɔ́ mi ɔ, ma ha nɛ aywilɛho yemi se maa po! Jamɛ a be ɔ, wa ma ná bua womi nɛ ngɛ kɛ yaa neneene, ejakaa ‘gbogboehi tsuo maa nu Kristo gbi, nɛ a maa je kpo kɛ je a yɔkɔ ɔmɛ a mi.’ (Yoh. 5:28, 29) Mawu wo si, nɛ e de ke, “Nyɔmtsɛ Mawu maa ye gbenɔ nɔ kunimi; e ma tsu nɔ tsuaa nɔ hɛ mi vo nyu.” (Yes. 25:8) Kɛkɛ ɔ, benɛ e sa kaa waa kɛ ‘nihi nɛ ngɛ ya foe ɔ nɛ fo’ ɔ, waa kɛ nihi tsuo nɛ a ngɛ zugba a nɔ nɛ ‘a ngɛ nyae ɔ ma nya mohu.’​—Rom. 12:15.