¹⁰ Kekleekle ɔ, wa jeɔ wa tsui mi nɛ wa yeɔ bua akɛnɛ wa suɔ Yehowa, nɛ wa suɔ kaa waa pee “níhi nɛ sa e hɛ mi” ɔ he je. (1 Yoh. 3:22) Yehowa bua jɔɔ e sɔmɔli nɛ a keɔ lɛ ní kɛ jeɔ a tsui mi ɔ he. Nyɛ ha nɛ wa susu nɔ́ nɛ bɔfo Paulo de kɛ kɔ nɔ́ hami he ɔ he nɛ waa hyɛ. (Kane 2 Korinto Bi 9:7.) Anɔkuale Kristofo no kɛ mi mi gbigblimi ha we nɔ́, nɛ a nyɛ we e nɔ loko e haa nɔ́. Mohu ɔ, e haa ejakaa jã ji “bɔ nɛ e to kaa e ma ha.”c Enɛ ɔ tsɔɔ kaa ke e na kaa hiami ní ko ngɛ, nɛ e susu bɔ nɛ e ma tsu he ní ha a he ɔ, lɔ ɔ haa nɛ e jeɔ e tsui mi nɛ e yeɔ bua. Yehowa bua jɔɔ nɔ nɛ haa nɔ́ ɔ he, ejakaa “Mawu suɔ nɔ nɛ haa nɔ́ kɛ tsui mi jɔmi.” Baiblo sisi tsɔɔmi ko hu de ke: “Mawu suɔ nihi nɛ a suɔ nɔ́ hami.”