-
‘Nyɛ Susu Nɔ Nɛ To E Tsui Si ɔ He Wawɛɛ’“Ba Nyɛɛ Ye Se”
-
-
‘Nyɛɛ Nyɛɛ E Nane Ma He Ɔmɛ A Se Haa’
20, 21. Mɛni Yehowa ngɛ hlae nɛ waa pee ngɛ tsui si tomi he, nɛ mɛni e sa kaa waa mwɔ wa yi mi kpɔ kaa wa maa pee?
20 Yesu le kaa e se nyɛɛli ɔmɛ kɛ haomi maa kpe nɛ e ma bi nɛ a to a tsui si. (Yohane 15:20) Yesu pee klaalo kaa e maa to e tsui si, ejakaa e le kaa ke e pee jã a, lɔɔ maa wo ni kpahi he wami. (Yohane 16:33) Ngɛ anɔkuale mi ɔ, Yesu pee tsui si tomi he nɔ hyɛmi nɔ́ nɛ ye mluku kɛ fɔ si, se wɔɔ lɛɛ wa yi mluku. Mɛni Yehowa ngɛ hlae nɛ waa pee? Petro de ke: ‘Kristo nitsɛ na amanehlu, nɛ e kɛ lɔɔ pee nɔ hyɛmi nɔ́ ha nyɛ, konɛ nyɛɛ nyɛɛ e nane ma he ɔmɛ a se haa.’ (1 Petro 2:21) Yesu da kahi a nya nɛ e kɛ lɔɔ pee “nɔ hyɛmi nɔ́” kɛ fɔ si ha wɔ nɛ waa kase.a Wa ma nyɛ maa ngɔ tsui si tomi he nɔ hyɛmi nɔ́ nɛ e pee kɛ fɔ si ɔ kɛ to ‘nane ma hehi’ a he. Wa be nyɛe maa nyɛɛ e nane ma he ɔmɛ a se pɛpɛɛpɛ, se wa ma nyɛ maa nyɛɛ se ‘haa.’
-
-
‘Nyɛ Susu Nɔ Nɛ To E Tsui Si ɔ He Wawɛɛ’“Ba Nyɛɛ Ye Se”
-
-
a Nɔ́ nɛ Hela munyungu nɛ a tsɔɔ sisi ke “nɔ hyɛmi nɔ́” ɔ tsɔɔ tutuutu ji, nɛ́ “a maa hyɛ ningma ko nɔ kɛ ngma eko.” Ngɛ nihi nɛ ngma Kristofoli a Hela Ngmami ɔ a kpɛti ɔ, bɔfo Petro pɛ ji nɔ nɛ ngɔ munyungu nɛ ɔ kɛ tsu ní, nɛ e tsɔɔ “‘ningma ko’ nɛ ngɛ jokuɛwi a womi mi nɛ sa kaa jokuɛwi ɔmɛ nɛ hyɛ nɔ kɛ ngma nɔ́ nɛ a ngma a pɛpɛɛpɛ bɔnɛ a ma nyɛ.”
-