-
Baiblo ɔ Mi Munyu Ɔmɛ Ji Sɛ Gbi Nɛ Je Mawu NgɔO Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se
-
-
1. Ke nimli lɛ a ngma Baiblo ɔ, lɛɛ mɛni he je nɛ wa deɔ ke e ji Mawu Munyu ɔ?
Nihi maa pee 40 nɛ a ngma Baiblo ɔ. A ngɔ maa pee jeha 1,600 kɛ ngma Baiblo ɔ. A je e ngmami sisi kɛ je jeha 1513 loko a fɔ Kristo, nɛ a gbe nya ngɛ jeha 98 ɔ mi ngɛ Kristo fɔmi se. A ti ni komɛ ji ngmɔ huli, wo hɛli, to hyɛli, gbali, kojoli, kɛ matsɛmɛ. E ngɛ mi kaa nihi slɔɔtohi nɛ a ngma Baiblo ɔ mohu lɛɛ, se níhi nɛ a ngma a kɛ a he kpa gbi. Mɛni ha nɛ e ba lɛ jã a? Ejakaa Mawu ji nɔ nɛ ha nɛ a ngma Baiblo ɔ nɛ. (Kane 1 Tɛsalonika Bi 2:13.) Nihi nɛ a ngma Baiblo ɔ ngmɛ mɛ nitsɛmɛ a susumihi. Mohu ɔ, ‘mumi klɔuklɔu lɛ kudɔ mɛ nɛ a tu munyu nɛ je Mawu ngɔ.’a (2 Petro 1:21) Mawu ngɔ e mumi klɔuklɔu ɔ kɛ ye bua nyumu nɛ ɔmɛ nɛ a ngma e susumihi.—2 Timoteo 3:16.
-
-
Kɛ O Susu Kaa Yehowa Ngɛ Ha Kɛɛ?O Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se
-
-
4. Mumi klɔuklɔu ɔ ji he wami nɛ Mawu kɛ tsuɔ ní
Kaa bɔ nɛ waa kɛ wa nine tsuɔ ní ɔ, jã nɔuu nɛ Yehowa hu guɔ e mumi klɔuklɔu ɔ nɔ kɛ tsuɔ ní. Baiblo ɔ tsɔɔ kaa mumi klɔuklɔu ɔ pi nɔmlɔ, mohu ɔ, e ji he wami nɛ Mawu kɛ tsuɔ ní. Nyɛɛ kane Ní Tsumi 2:17, 6:3, nɛ́ nyɛ susu sane bimihi nɛ nyɛɛ se nɛ ɔmɛ a he:
Mawu ma nyɛ ma plɛ e mumi klɔuklɔu ɔ kɛ pue nihi a nɔ, nɛ mumi klɔuklɔu ɔ ma nyɛ ma hyi nihi tɔ. Lɔ ɔ ngɛ ngmami nɛ ɔ nya a, anɛ o susu kaa mumi klɔuklɔu ɔ ji nɔmlɔ lo? Mɛni he je nɛ o de jã a?
Yehowa guɔ e mumi klɔuklɔu ɔ nɔ kɛ tsuɔ nyakpɛ níhi. Nyɛɛ kane La 33:6 kɛ 2 Petro 1:20, 21, nɛ nyɛ susu sane bimi nɛ ɔ he:
Mɛni ji ní komɛ nɛ́ Yehowa kɛ e mumi klɔuklɔu ɔ pee?
-