• Bɔ Nɛ Lakpa Jamihi Gbeɔ Mawu He Guɛ Ha
    O Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se

    • 2. Ngɛ mɛni blɔ nɔ nɛ níhi nɛ lakpa jamihi peeɔ ɔ gbeɔ Mawu he guɛ?

      Lakpa jamihi je we suɔmi kpo kɛ tsɔɔ we nihi kaa bɔ nɛ Yehowa peeɔ ɔ. Baiblo ɔ tsɔɔ kaa lakpa jami ɔmɛ a he ‘yayami ɔmɛ a nya bua kɛ ya su hiɔwe tɔɔ.’ (Kpo Jemi 18:5) Jeha lafahi abɔ ji nɛ ɔ nɛ jamihi ngɔ a he kɛ wo ma kudɔmi sanehi a mi, a fĩ ta hwumi se, nɛ a ha nɛ nimli babauu gbo. Akɛnɛ jami hɛ mi nyɛɛli komɛ suɔ nɛ a ná ní he je ɔ, a ngɔɔ sika ngɛ a jami mi bi ɔmɛ a dɛ. A ní peepee nɛ ɔmɛ tsɔɔ kaa a li Mawu, enɛ ɔ he ɔ, a be nyɛe maa pee Mawu nane mi dali.​—Kane 1 Yohane 4:8.

  • Yaa Nɔ Nɛ O Ye Yehowa Anɔkuale
    O Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se

    • Mo je VIDEO ɔ.

      VIDEO: Jee Kpo Ngɛ Babilon Ngua a Mi! (5:06)

      Video nɛ ji ‘Jee Kpo Ngɛ Babilon Ngua a Mi!’ ɔ mi foni. Baiblo kaselɔ ko nɛ e te si kɛ je osɔfo ko he benɛ e kpa ní nɛ e tsuɔ ngɛ sɔlemi ko mi ɔ.

      Nyɛɛ kane Luka 4:8 kɛ Kpo Jemi 18: 4, 5, nɛ́ nyɛ susu sane bimi nɛ ɔmɛ a he:

      • Anɛ loloolo ɔ, ye biɛ ngɛ lakpa jami ko womihi a mi lo?

      • Anɛ i ngɛ kuu ko nɛ e kɛ lakpa jami ngɛ tsakpa mi lo?

      • Anɛ ye ní tsumi fĩɔ lakpa jami se ngɛ blɔ ko nɔ lo?

      • Anɛ ní kpa komɛ ngɛ nɛ i peeɔ ngɛ ye si himi mi nɛ e kɛ lakpa jami ngɛ tsakpa nɛ e sa kaa ma kpa peemi lo?

      • Ke i ha sane bimi nɛ ɔmɛ eko heto ke ee ɔ, lɛɛ mɛni tsakemi nɛ e sa kaa ma pee?

      Ngɛ lɛ tsuo mi ɔ, e sa kaa o mwɔ yi mi kpɔ nɛ ma ha nɛ o ná he nile kpakpa, nɛ́ maa tsɔɔ kaa o yeɔ Yehowa anɔkuale.

      Nyɛmiyo ko kɛ e binyumu ko nɛ a je kpo ngɛ tsuapo ngua ko mi. A nyɛɛ kɛ be yo ko nɛ e ngɛ bie nɛ nihi nɛ a ye bua kɛ fĩ nɔ́ ko nɛ e jami ɔ yaa peemi ɔ se ɔ he.

      Ke a de mo ke o ha sika kɛ fĩ nɔ́ ko nɛ jami ko yaa pee ɔ se ɔ, mɛni o maa pee?

      NI KOMƐ DEƆ KE: “E sa nɛ ma le níhi nɛ hemi kɛ yemi kuali ngɛ dee ngɛ Yehowa Odasefohi a he konɛ ma nyɛ nɛ ma fã anɔkuale ɔ he.”