LA 54
“Blɔ ɔ Ji Nɛ ɔ Nɛ”
1. O ba ná le blɔ ko,
E ji he jɔmi blɔ,
E ngɛ kɛ je blema,
E ji blɔ nɛ o le.
Yesu Kristo lɛ tsɔɔ mo;
O bu e gbi tue.
E ji he jɔmi blɔ;
Baiblo lɛ ha o le.
(NƆ HEMI)
Wami blɔ ji n’ɔ nɛ, Blɔ ji n’ɔ nɛ!
Ko gba he ko; Moo ya o hɛ mi tɛ̃ɛ!
Mawu ngɛ dee ke: ‘Blɔ ji n’ɔ nɛ;
Koo hyɛ o se, niinɛ, blɔ ji n’ɔ nɛ.’
2. O ba ná le blɔ ko,
Yehowa suɔmi blɔ.
Moo bu Mawu gbi tue,
Koo ya he ko he ko.
E ha o ba le lɛ,
E ngɛ suɔmi nitsɛ.
Yehowa suɔmi blɔ
Haa wa jeɔ suɔmi kpo.
(NƆ HEMI)
Wami blɔ ji n’ɔ nɛ, Blɔ ji n’ɔ nɛ!
Ko gba he ko; Moo ya o hɛ mi tɛ̃ɛ!
Mawu ngɛ dee ke: ‘Blɔ ji n’ɔ nɛ;
Koo hyɛ o se, niinɛ, blɔ ji n’ɔ nɛ.’
3. O ba ná le blɔ ko,
Neneene wami blɔ.
Ko plɛ ya hyɛ o se.
Yehowa de wɔ ke:
He jɔmi blɔ kpa be,
Suɔmi blɔ kpa ko be.
Sina ha Yehowa
Ngɛ wami blɔ n’ɔ he.
(NƆ HEMI)
Wami blɔ ji n’ɔ nɛ, Blɔ ji n’ɔ nɛ!
Ko gba he ko; Moo ya o hɛ mi tɛ̃ɛ!
Mawu ngɛ dee ke: ‘Blɔ ji n’ɔ nɛ;
Koo hyɛ o se, niinɛ, blɔ ji n’ɔ nɛ.’