Hwɔɔmi Mɔ INTANƐTI NƆ NITO HE

Hwɔɔmi Mɔ INTANƐTI NƆ NITO HE

INTANƐTI NƆ NITO HE

Mawu Suɔ Nihi Nɛ A He Tsɔ

“Nyɛɛ To Nyɛ He Ngɛ Mawu Suɔmi ɔ Mi”
- ANƐ I BƆƆ MƆDE KAA MA PEE NƆ́ NƐ DA LO?
  
  Sisi tomi mlaa: “I waa ye nɔmlɔ tso ɔ yi mi nɛ i yeɔ lɛ nyɔguɛ konɛ be mi nɛ i fiɛɛ ngɔ tsɔɔ ni kpahi ta a, imi nitsɛ lɛɛ a ko bu mi kaa nɔ ko nɛ e sɛ ngɛ blɔ ko nɔ.”—1 Korinto Bi 9:27, NW.
  
  Munyu komɛ nɛ e sa kaa o bi o he
  
  Ke e pee mi kaa ma ngɔ ye he kɛ wo ní peepee ko nɛ he tsɔ we mi ɔ, anɛ i sɔleɔ kɛ biɔ Mawu mumi ɔ konɛ e ye bua mi nɛ ma yu ye he ngɛ jamɛ a ní peepee ɔ he lo?—Mateo 6:13.
  
  Kɛ nihi nɛ i kɛ bɔɔ, sɛni nɛ i hyɛɛ, kɛ lahi nɛ i buɔ tue ɔ saa ye yi mi kpɔ nɛ i mwɔ kaa ma yu ye he ngɛ su yayamihi a he ɔ he ha kɛɛ?—1 Petro 4:3, 4.
  
  Mɛni he je ke i tsuɔ ní kpakpahi ɔ, i kɛ lɔ ɔ be nyɛe ma je ye nya nɛ ma pee yayami ɔ?—Mateo 23:25-28.
  
  Mɛni he je i suɔ kaa ma na nɔ́ kaa bɔ nɛ Yesu na nɔ́ ngɛ Mawu suɔmi nya ní peemi he ɔ?—1 Petro 2:21; 4:1.
  
  Kɛ ma plɛ kɛ tsɔɔ nɔ ko nɔ́ he je nɛ i nui sigaleti ɔ nya ha kɛɛ?—Roma Bi 12:1, 2.
  
  Ke i ngɛ mɔde bɔe kaa i kɛ ye he be nɔ́ ko nɛ he tsɔ we mi woe hu se be komɛ ɔ, i kɛ ye he woɔ mi ɔ, anɛ i le kaa lɔ ɔ tsɔɔ we kaa i be nyɛe ma kpa lo?—Roma Bi 7:21-25.

Mawu Suɔ Nihi Nɛ A He Tsɔ

“Nyɛɛ To Nyɛ He Ngɛ Mawu Suɔmi ɔ Mi”
- “NGƐ MAWU YEMI KƐ BUAMI NYA A, MA NYƐ MA PEE NƆ́ TSUAA NƆ́”
  
  Helene de ke, “Benɛ i ye jeha 15 ɔ, i bɔni sigaleti numi daa ligbi, nɛ ke e su Hɔ kɛ Hɔgba a, i kɛ ye huɛmɛ ya nuɔ dã. Pee se ɔ, e ngɛ mi kaa i ba pee fɔlɔ kake nɛ hɛɛ bimɛ etɛ mohu, se kɛ̃ ɔ, cocaine numi ba tlɔ ye he. Ye si himi mi tsuo hyi tɔ kɛ haomihi. Se i ba bɔni Baiblo ɔ kasemi, nɛ Yehowa yemi kɛ buami nya a, i ngmɛɛ ye je mi bami yayami ɔmɛ kɛ suhi nɛ tlɔ ye he ɔ a he. Enɛ ɔ peemi ye wawɛɛ ha mi, titli ɔ, cocaine numi nɛ ma kpa a. I ko nyɛ we tsakemi nɛ ɔmɛ peemi ngɛ ye he wami nya. Se amlɔ nɛ ɔ, ma nyɛ ma de kɛ nɔ mi mami kaa munyu nɛ Yesu tu ke, ‘Mawu lɛɛ e nyɛɔ peeɔ nɔ́ tsuaa nɔ’ ɔ ji anɔkuale sisiisi ngɛ ye si himi mi.”—Mateo 19:26.
  
  e A tsake biɛ ɔ.