Níhi Nɛ Wa Ma Nyɛ Maa Kase Ngɛ Mawu Munyu ɔ Mi

Sɛ gbi nɛ Mawu ngɛ kɛ ha wɔ mwɔnɛ ɔ ngɛ Baiblo ɔ mi. E tsɔɔ wɔ bɔ nɛ waa ba wa je mi ha konɛ waa ye manye, kɛ nɔ́ nɛ wa maa pee konɛ waa sa Mawu hɛ mi. E ha sane bimi nɛ nyɛɛ se nɛ ɔmɛ hu a heto:

1 Mɛnɔ ji Mawu?
2 Mɛni blɔ nɔ o maa gu kɛ kase Mawu he ní?
3 Mɛnɔ lɛ ngma Baiblo ɔ?
4 Anɛ Baiblo ɔ da ngɛ je mi si kpami he nile nya lo?
5 Mɛni sɛ gbi lɛ ngɛ Baiblo ɔ mi?
6 Mɛni Baiblo ɔ gba kɛ kɔ Mesia a he?
7 Mɛni Baiblo ɔ gba kɛ kɔ wa be nɛ ɔ he?
8 Anɛ e sa kaa wa pia Mawu ngɛ adesahi a nɔ́ nami he lo?
9 Mɛni he je nɛ adesahi ngɛ nɔ́ nae ɔ?
10 Mɛni Baiblo ɔ wo si kaa e maa ba hwɔɔ se?
11 Ke nɔ ko gbo ɔ, mɛni si fɔfɔɛ mi e ya jee?
12 Mɛni hɛ nɔ kami lɛ ngɛ kɛ ha nihi nɛ a gbo ɔ?
13 Mɛni Baiblo ɔ de ngɛ ní tsumi he?
14 Mɛni blɔ nɔ o maa gu kɛ hyɛ o weto níhi a nɔ saminya?
15 Mɛni blɔ nɔ o maa gu kɛ ná bua jɔmi?
16 Mɛni blɔ nɔ o maa gu kɛ da yeyeeye peemi nya?
17 Mɛni blɔ nɔ nɛ Baiblo ɔ ma nyɛ maa ye bua o weku ɔ ngɛ?
18 Mɛni blɔ nɔ o maa gu kɛ hɛ mo kɛ su Mawu he?
19 Mɛni lɛ ngɛ Baiblo mi womi slɔɔto ɔmɛ a mi?
20 Mɛni blɔ nɔ o maa gu kɛ ná o Baiblo kanemi ɔ he se?

BLƆ NƆ NƐ O MAA GU KƐ NA BAIBLO KUKU ƆMƐ

Womi nyafinyafi 66 lɛ ngɛ Baiblo ɔ mi. A gba mi enyɔ: Kekle fa a ji Hebri kɛ Aram Ngmami ɔ (“Somi Momo ɔ”) nɛ fa enyɔne ɔ ji Hela Ngmami ɔ (“Somi He ɔ”). A gba Baiblo womi ɔmɛ eko tsuaa eko mi kɛ wo yihi kɛ kukuhi a mi. Ke a tsɛ ngmami ko se ɔ, kekle yibɔ nɛ nyɛɛ womi ɔ biɛ ɔ se ɔ ji e yi, nɛ yibɔ nɛ tsa nɔ ɔ ji kuku loo kukuhi. Kaa nɔ hyɛmi nɔ ɔ, nɔ́ nɛ 1 Mose 1:1 tsɔɔ ji, Mose kekleekle womi yi 1, kuku 1.