KRISTOFOHI A SI HIMI
Mɛni Be Ma Nyɛ Ma Sɔmɔ Kaa Blɔ Gbali A Walɔ Ekohu?
Ezekiel nina nɛ kɔɔ sɔlemi we ɔ he ɔ tsɔɔ kaa Yehowa we bi maa je a tsui mi nɛ a maa ngɔ níhi kɛ sã afɔle. Mɛni wɔ hu wa maa pee konɛ wa nyɛ nɛ waa sã yi jemi afɔlehi?—Heb 13:15, 16.
Blɔ kake nɛ wa ma nyɛ maa gu nɔ kɛ pee jã ji kaa wa ma sɔmɔ kaa blɔ gbali a wali. Ngɛ jeha 2018 sɔmɔmi jeha a mi ɔ, wa ngɛ Hɔ enuɔ kɛ Hɔgba enuɔ ngɛ nyɔhiɔhi fuu a mi. Enɛ ɔ maa ye bua nihi nɛ a tsuɔ ní ngɛ otsi ɔ mi tsuo nɛ a pɔɔ fiɛɛmi yami ngɛ otsi ɔ nyagbe ɔ. Jehanɛ hu ɔ, fiɛɛli ma nyɛ maa ngɔ ngmlɛfia 30 loo 50 kɛ fiɛɛ ngɛ March kɛ April, kɛ nyɔhiɔ nɛ kpɔ mi nɔ hyɛlɔ ɔ ma ba slaa a we asafo ɔ.
Se ke wa si fɔfɔɛ be wɔ blɔ ngmɛe nɛ waa pee jã hu nɛɛ? Wa ma nyɛ ma ha nɛ wa fiɛɛmi ní tsumi ɔ nɛ pi si, konɛ ke e maa hi ɔ, waa ngɔ ngmlɛfia babauu kɛ fiɛɛ pe bɔ nɛ wa peeɔ daa a. Ngɛ si fɔfɔɛ mi nɛ wa ngɛ tsuo se ɔ, nyɛ ha nɛ suɔmi nɛ wa ngɛ ha Yehowa a nɛ ha nɛ waa pee babauu ngɛ jeha 2018 sɔmɔmi jeha a mi!—Hos 14:2.
Mɛni blɔ nɔ ma gu kɛ kase kã nɛ Sabina Hernández je kpo ɔ?
NYƐƐ HYƐ VIDEO NƐ JI, YEHOWA HAA NƐ I NYƐƆ PEEƆ NƆ́ FƐƐ NƆ́. LƆ Ɔ SE Ɔ, NYƐ HA SANE BIMI NƐ ƆMƐ A HETO:
Mɛni lɛ woɔ Sabina he wami nɛ e nyɛɔ nɛ e peeɔ babauu ngɛ Yehowa sɔmɔmi mi?
Ngɛ mɛni blɔ nɔ nɛ Sabina nɔ hyɛmi nɔ́ ɔ woɔ mo he wami?
Ngɛ jeha 2018 sɔmɔmi jeha a mi ɔ, mɛni nyɔhiɔ loo nyɔhiɔhi a mi nɛ o ma nyɛ ma sɔmɔ kaa blɔ gbali a walɔ?