-
Blɔ Nya Tomi Kɛ Ha March 25 Otsi ɔWa Matsɛ Yemi Sɔmɔmi ɔ—2013 | March
-
-
Blɔ Nya Tomi Kɛ Ha March 25 Otsi ɔ
OTSI NƐ JE SISI MARCH 25
La 39 Kɛ Sɔlemi
□ Asafo Baiblo Mi Nikasemi:
bh yi 8 kk. 1-8 (Hɛngm. 30)
□ Teokrase Sɔmɔmi Sukuu:
Baiblo kanemi: Luka 4-6 (Hɛngm. 10)
No. 1: Luka 4:22-39 (Hɛngm. 4 loo nɔ́ nɛ sui jã)
No. 2: Jije Wɛtso Munomunohi Je Kɛ Ba?—rs-E bf. 301 kk. 1-4; +w04-E 1/1 bf. 31 kk. 5 (Hɛngm. 5)
No. 3: Mɛni Odase Yemi Lɛ Tsɔɔ Kaa A Tle Yesu Si?—1 Kor. 15:3-7 (Hɛngm. 5)
□ Sɔmɔmi Kpe:
Hɛngm. 5: Moo Je Baiblo Mi Nikasemi Sisi Ngɛ Kekleekle Hɔ ɔ Nɔ. Ha nɛ a ngɔ fiɛɛmi munyu nɛ ngɛ bafa 8 ɔ mi ɔ kɛ pee bɔnɛ a ma plɛ kɛ je Baiblo mi nikasemi sisi ngɛ kekleekle Hɔ nɛ ngɛ April nyɔhiɔ ɔ mi ɔ nɔ ha a he peemi kɛ tsɔɔ. Moo wo nɔ tsuaa nɔ he wami konɛ e kɛ e he nɛ wo mi.
Hɛngm. 25: “Bɔnɛ Waa Kɛ Sane Kpakpa Nɛ Je Mawu Ngɔ! Womiyo ɔ Ma Tsu Ní Ha.” Sane bimi kɛ heto hami. Ke nyɛ ngɛ kuku 6 a he susue ɔ, ha nɛ a pee peemi kɛ tsɔɔ enyɔ.
La 17 Kɛ Sɔlemi
-
-
Bɔnɛ Waa Kɛ Sane Kpakpa Nɛ Je Mawu Ngɔ!Wa Matsɛ Yemi Sɔmɔmi ɔ—2013 | March
-
-
3. Mɛni lɛ ha nɛ womiyo nɛ ɔ ngɛ slɔɔto ngɛ womi kpahi nɛ waa kɛ nihi kaseɔ he ɔ?
3 Bɔnɛ A Pee Womi ɔ Ha: A ngma womihi nɛ waa kɛ nihi kaseɔ ɔ nɛ a mi wɛ konɛ ke nihi kane ngɛ a dɛhe po ɔ, a nu anɔkuale ɔ sisi. Se womiyo nɛ ɔ lɛɛ e ngɛ slɔɔto. Kaselɔ ɔ hia tsɔɔlɔ nɛ e ye bua lɛ. Enɛ ɔ he ɔ, ke o kɛ womiyo nɛ ɔ maa ha nɔ ko ɔ, e maa hi saminya kaa o kɛ nɔ ɔ nɛ susu kuku kake loo enyɔ he. Akɛnɛ kuku ɔmɛ ngɛ kpitikpiti heje ɔ, o kɛ nɔ ɔ ma nyɛ ma susu he ngɛ e sinya a nya loo e nítsumi he. E maa hi wawɛɛ kaa waa kɛ nikasemi 1 ɔ maa je sisi, se wa ma nyɛ maa je sisi ngɛ he tsuaa he ko.
4. Mɛni blɔ nɔ nɛ womiyo nɛ ɔ yeɔ bua wɔ nɛ wa tsɔɔ ní kɛ jeɔ Baiblo ɔ mi tɛɛ?
4 Ngɛ wa womihi fuu a mi ɔ, wa naa sane bimihi nɛ a ngma amɛ a heto ngɛ kuku ɔmɛ a mi. Se ngɛ womiyo nɛ ɔ blɔ fa mi ɔ, Baiblo ɔ mi titli ji he nɛ a maa na heto ɔmɛ ngɛ. Nihi fuu suɔ kaa a maa kase ní kɛ je Baiblo ɔ mi mohu pe nɛ a maa kase ngɛ wa womi ɔmɛ a mi. Enɛ ɔ he ɔ, a ngmɛ́ ngmamihi nɛ a tsɛ se ɔmɛ a mi munyu. E sa nɛ a kane ngɛ Baiblo ɔ mi. Enɛ ɔ yeɔ bua nikaseli ɔmɛ nɛ a naa kaa Mawu munyu ɔ nɛ a ngɛ kasee ɔ nɛ.—Yes. 54:13.
5. Mɛni heje nɛ e sa nɛ ní tsɔɔlɔ ɔ nɛ e dla e he saminya loko e kɛ nihi ya pee nikasemi ɔ?
5 Womiyo ɔ tsɔɔ we ngmami ɔmɛ tsuo a mi. Mɛni heje? A pee lɛ ja konɛ e ye bua nikaselɔ ɔ nɛ e bi sanehi konɛ ní tsɔɔlɔ ɔ nɛ e ngɔ he bemi kɛ tsɔɔ ní. Enɛ ɔ he ɔ, e sa nɛ wa dla wa he saminya loko waa kɛ nihi ya pee nikasemi ɔ. Se mo kadi: Koo tu munyu fuu. Wa suɔ nɛ waa tsɔɔ Ngmami ɔmɛ a mi. Se ke wa ha nikaselɔ ɔ blɔ nɛ e tsɔɔ bɔnɛ e nu ngmami ɔ sisi ha a, e náa he se wawɛɛ. Ke waa kɛ sane bimihi tsu ní ngɛ ga blɔ nɔ ɔ, wa ma nyɛ maa ye bua lɛ konɛ e nu ngmami ɔ sisi.—Níts. 17:2.
-