JUETLI NƐ NGƐ MAWU MUNYU Ɔ MI | 2 MOSE 35-36

Yehowa Yeɔ Bua E Sɔmɔli Konɛ A Nyɛ Nɛ A Tsu Ní Tsumi Nɛ E Kɛ Wo A Dɛ ɔ

Yehowa mumi klɔuklɔu ɔ ye bua Bezalel kɛ Oholiab nɛ a nyɛ nɛ a tsu kpe he bo tsu ɔ he ní tsumi ɔ kaa bɔ nɛ Yehowa tsɔɔ kaa a pee lɛ ɔ pɛpɛɛpɛ. Yehowa mumi klɔuklɔu ɔ nɛ́ e ngɛ he wami ɔ yeɔ bua e sɔmɔli nɛ́ a ngɛ mwɔnɛ ɔ hulɔ. Kɛ wa ma plɛ kɛ ná he se ha kɛɛ?

E sa nɛ waa sɔle kɛ bi mumi klɔuklɔu ɔ konɛ e ye bua wɔ nɛ wa he nɛ su kɛ pi si kɛ tsu ní tsumihi ngɛ Yehowa sɔmɔmi mi
E sa nɛ waa kɛ hɛdɔ nɛ kase Mawu Munyu ɔ
Ke a ngɔ ní tsumi ko kɛ wo wa dɛ ɔ, e sa nɛ waa je wa tsui mi kɛ tsu

Foto: Yehowa Odasefohi nɛ a ngɛ teokrase ní tsumi slɔɔtohi tsue. 1. Nyɛmiyo ko nɛ e ngɛ yee buae ngɛ tsu mami ní tsumi ko mi. 2. Nyɛminyumu ko nɛ e ngɛ e he dlae konɛ e hyɛ ‘Hwɔɔmi Mɔ’ ɔ Mi Ní Kasemi ɔ nɔ. 3. Nyɛminyumu ko nɛ e ngɛ fiɛɛe ha nɔ ko ngɛ tsuapo ko nya be mi nɛ nɔ kake ngɛ hyɛe kaa basabasa peeli ma mɛ tuami lo. 4. Nyɛminyumu ko kɛ e yo nɛ a ya sukuu kɛ ha Matsɛ Yemi Sane Kpakpa Fiɛɛli.

Mɛni ní tsumihi nɛ Yehowa ma nyɛ maa ye bua mo konɛ o he nɛ su kɛ tsu?