Mumi Klɔuklɔu ɔ Ye Bua Nɛ A Tsu Ní Tsumi Ko Nɛ He Wa

Ngɛ yi nɔ sane mi tsuo ɔ, Mawu we bi tsu ní tsumi nguahi, pi mɛ nitsɛmɛ a he wami nya se kɛ gu Yehowa yemi kɛ buami nɔ. Ngɛ jeha 1954 ɔ mi ɔ, Yehowa asafo ɔ pee sini ko nɛ e yi ji, The New World Society in Action. Nihi nɛ a tsuɔ ní ngɛ Betel nɛ a be níhi a si kpami ko ngɛ sini peemi mi lɛ a pee sini nɛ ɔ. Yehowa mumi klɔuklɔu ɔ lɛ ye bua mɛ nɛ a nyɛ tsu ní tsumi nɛ he wa nɛ ɔ. Enɛ ɔ ha nɛ wa ná nɔ mi mami kaa ke wa ngɔ wa hɛ kɛ fɔ Yehowa nɔ ɔ, e maa ye bua wɔ konɛ wa nyɛ nɛ wa tsu ní tsumi fɛɛ ní tsumi nɛ a kɛ maa wo wa dɛ ɔ kɛ pi si.—Zak 4:6.

NYƐƐ HYƐ VIDEO NƐ JI, BLƆ NƆ NƐ A GU KƐ PEE “THE NEW WORLD SOCIETY IN ACTION” Ɔ, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni he je nɛ a ma nya si kaa a pee sini nɛ kɔɔ asafo ɔ ní tsumi yi ɔ he ɔ?

• Ngɛ mɛni blɔ nɔ nɛ sini ɔ tsɔɔ kaa Betel ngɛ kaa adesa nɔmlɔ tso ɔ?—1Ko 12:14-20

• Mɛni nyagbahi nɛ nyɛmimɛ ɔmɛ kɛ kpe benɛ a ngɛ sini ɔ pee ɔ, nɛ kɛ a plɛ kɛ tsu nyagba amɛ a he ní ha kɛɛ?

• Mɛni nɛ níhi a si kpami nɛ ɔ tsɔɔ wɔ ngɛ Yehowa mumi klɔuklɔu ɔ he?