Wa Sɔlemihi A He Jua Wa Ha Yehowa

Sɔlemihi nɛ Yehowa kplɛɛ nɔ ɔ ngɛ kaa tsopa kɛ he via nɛ a sãa be fɛɛ be ngɛ e hɛ mi ngɛ sɔlemi we ɔ. (La 141:2) Ke wa sɔle ha wa hiɔwe Tsɛ ɔ nɛ wa de lɛ bɔ nɛ wa suɔ lɛ ha, bɔ nɛ wa bua jɔ ní kpakpahi nɛ e peeɔ kɛ haa wɔ ɔmɛ a he ha, nɛ jehanɛ se hu, wa de lɛ wa nyagbahi kɛ níhi nɛ wa suɔ, nɛ wa bi lɛ konɛ e tsɔɔ wɔ blɔ ɔ, lɔ ɔ tsɔɔ kaa wa bua jɔ huɛ bɔmi kpakpa nɛ ngɛ waa kɛ lɛ wa kpɛti ɔ he wawɛɛ. Ngɛ anɔkuale mi ɔ, Yehowa naa sɔlemihi kpiti nɛ a sɔle ɔ ngɛ wa kpe ɔmɛ a sisi ɔ kaa e ji wa jami ɔ fã ko nɛ he hia. Se kɛ̃ ɔ, Yehowa bua maa jɔ wawɛɛ ke ngɛ wɔ nitsɛmɛ wa sɔlemi mi ɔ, wa je wa tsui mi nɛ waa kɛ lɛ sɛɛ ní be gagaa nɛ wa de lɛ bɔ nɛ wa ngɛ he nue ha!​—Abɛ 15:8.

NYƐƐ HYƐ VIDEO NƐ JI, I SƆLEƆ WAWƐƐ, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni sɔmɔmi he blɔhi nɛ Nyɛminyumu Johnson ná?

• Mɛni Nyɛminyumu Johnson pee kɛ tsɔɔ kaa e ngɔ e hɛ kɛ fɔ Yehowa nɔ kɛ gu sɔlemi nɔ?

• Mɛni o kase ngɛ Nyɛminyumu Johnson níhi a si kpami ɔ mi?