Mo Je Hɛsa Kpo Ngɛ Nɔ́ Nɛ Yehowa Kɛ Yesu Pee Ha Mo ɔ He

Ke o huɛ ko ke mo nɔ́ kpakpa ko ɔ, kɛ o maa nu he ha kɛɛ? Atsinyɛ jemi ko be he kaa o bua maa jɔ, nɛ o maa suɔ nɛ o pee nɔ́ ko kɛ tsɔɔ kaa o bua jɔ nike ní ɔ he. Yehowa kɛ Yesu ha wɔ nike ní ko nɛ se be. Lɔ ɔ ji kpɔmi nɔ́ ɔ nɛ. Mɛni wa maa pee kɛ tsɔɔ kaa wa bua jɔ nike ní nɛ ɔ he?

1. Mɛni ji blɔ kake nɛ wa ma nyɛ maa gu nɔ kɛ tsɔɔ kaa wa bua jɔ nɔ́ nɛ Mawu kɛ Kristo pee ha wɔ ɔ he?

Baiblo ɔ wo si kaa, “nɔ fɛɛ nɔ nɛ e heɔ [Yesu] yeɔ ɔ” ma nyɛ maa hi si kɛ ya neneene. (Yohane 3:16) Mɛni blɔ nɔ wa maa gu kɛ pee jã? E sa nɛ yi mi kpɔhi nɛ wa maa mwɔ, kɛ wa ní peepee nɛ tsɔɔ kaa wa ngɛ hemi kɛ yemi. (Yakobo 2:17) Ke waa kɛ wa ní peepee kɛ wa munyu tutui tsɔɔ kaa wa ngɛ hemi kɛ yemi ɔ, lɔ ɔ ma ha nɛ huɛ bɔmi nɛ ngɛ waa kɛ Yesu, kɛ Yehowa nɛ ji e Tsɛ ɔ wa kpɛti ɔ mi maa wa.​—Kane Yohane 14:21.

2. Mɛni ní peemi klɛdɛɛ ko lɛ yeɔ bua wɔ nɛ wa jeɔ hɛsa kpo ngɛ nɔ́ nɛ Yehowa kɛ Yesu pee kɛ ha wɔ ɔ he?

Gbɔkuɛ nɛ e nɔ jena Yesu ma gbo ɔ, e de e kaseli ɔmɛ nɔ́ kpa ko nɛ a maa pee kɛ tsɔɔ kaa a bua jɔ e we afɔle sami ɔ he. E to ní peemi klɛdɛɛ ko nɛ Baiblo ɔ tsɛɛ ke “Nyɔmtsɛ ɔ Gbɔkuɛ Niye Ní,” nɛ a tsɛɛ hu ke Kristo Gbenɔ Kaimi ɔ sisi. (1 Korinto Bi 11:20) Yesu suɔ kaa e bɔfo ɔmɛ, kɛ anɔkuale Kristofohi nɛ a ngɛ mwɔnɛ ɔ nɛ a kai kaa e ngɔ e wami kɛ ha ngɛ wɔ tsuo wa he. Yesu kɛ fami ha ngɛ ní peemi nɛ ɔ he ke: “Nyɛɛ ya nɔ nɛ nyɛɛ pee enɛ ɔ nɛ nyɛ kɛ kai mi.” (Luka 22:19) Ke o ya Kaimi ɔ sisi ɔ, o ngɛ tsɔɔe kaa o bua jɔ suɔmi nɛ se be nɛ Yehowa kɛ Yesu ngɛ kɛ ha wɔ ɔ he.

MOO KASE BABAUU

3. Mɛni wa ma nyɛ maa pee kɛ je hɛsa kpo?

Moo ngɔ lɛ kaa o ngɛ mue ngɛ pa ko mi, nɛ nɔ ko ba je mo. Anɛ o hɛ maa je nɔ́ nɛ nɔ ɔ pee kɛ ha mo ɔ nɔ lo? Aloo o maa pee ní komɛ kɛ tsɔɔ kaa o bua jɔ nɔ́ nɛ e pee kɛ ha mo ɔ he?

Akɛnɛ Yehowa je mi mi jɔmi kpo kɛ tsɔɔ wɔ he je ɔ, wa ma nyɛ ma ná neneene wami. Nyɛɛ kane 1 Yohane 4:8-10, nɛ nyɛ susu sane bimihi nɛ nyɛɛ se nɛ ɔmɛ a he:

• Mɛni he je nɛ Yesu afɔle sami ɔ ji nike ní nɛ se be ɔ?

• Kɛ nɔ́ nɛ Yehowa kɛ Yesu pee kɛ ha mo ɔ haa nɛ o nuɔ he ha kɛɛ?

Mɛni wa maa pee kɛ tsɔɔ kaa wa bua jɔ nɔ́ nɛ Yehowa kɛ Yesu pee kɛ ha wɔ ɔ he? Nyɛɛ kane 2 Korinto Bi 5:15 kɛ 1 Yohane 4:11; 5:3 ɔ. Ke nyɛ kane ngmami ɔ eko fɛɛ eko ta a, nyɛ susu sane bimi nɛ ɔ he:

• Ngɛ ngmami nɛ ɔ nya a, mɛni wa maa pee kɛ je hɛsa kpo?

4. Moo kase Yesu

Nɔ́ kpa ko hu nɛ wa ma nyɛ maa pee kɛ je hɛsa kpo ji kaa wa maa kase Yesu. Nyɛɛ kane 1 Petro 2:21 ɔ, nɛ nyɛ susu sane bimi nɛ ɔ he:

• Mɛni blɔhi a nɔ nɛ o maa gu kɛ nyɛɛ Yesu nane mami he ɔmɛ a se haa?

5. Moo Ya Kristo Gbenɔ ɔ Kaimi ɔ

Bɔ nɛ pee nɛ o le nɔ́ nɛ ya nɔ ngɛ Nyɔmtsɛ Gbɔkuɛ Niye Ní ɔ nɛ Yesu kɛ e kaseli ɔmɛ ye ɔ sisi ɔ, nyɛɛ kane Luka 22:14, 19, 20 ɔ. Lɔ ɔ se ɔ, nyɛ susu sane bimihi nɛ nyɛɛ se nɛ ɔmɛ a he:

• Mɛni lɛ ya nɔ ngɛ Nyɔmtsɛ Gbɔkuɛ Niye Ní ɔ sisi?

• Mɛni nɛ abolo ɔ kɛ wai ɔ daa si kɛ ha?​—Hyɛ kuku 19 kɛ 20.

Yesu suɔ kaa e kaseli ɔmɛ nɛ a ye Nyɔmtsɛ Gbɔkuɛ Niye Ní ɔ si kake daa jeha, ngɛ ligbi nɛ e gbo ɔ nɔ. Enɛ ɔ he ɔ, Yehowa Odasefohi kpeɔ daa jeha nɛ a kaiɔ Kristo gbenɔ ɔ kaa bɔ nɛ e fã kaa a pee ɔ. Ke o suɔ nɛ o le kpe nɛ e he hia nɛ ɔ he ní fuu ɔ, mo je VIDEO ɔ. Lɔ ɔ se ɔ, nyɛ susu sane bimi nɛ ɔ he.

VIDEO: Kai Yesu Gbenɔ ɔ (1:41)

• Mɛni lɛ yaa nɔ ngɛ Kaimi ɔ sisi?

Abolo ɔ kɛ wai ɔ ji okadi peemi níhi. Abolo ɔ daa si kɛ ha Yesu nɔmlɔ tso nɛ ye mluku nɛ e kɛ sã afɔle kɛ ha wɔ ɔ. Wai ɔ daa si kɛ ha Yesu muɔ ɔ

NYA MWƆMI

Ke wa ná hemi kɛ yemi ngɛ Yesu mi, nɛ wa yaa e gbenɔ ɔ Kaimi ɔ, wa ngɛ tsɔɔe kaa wa bua jɔ nɔ́ nɛ e pee kɛ ha wɔ ɔ he.

Mi Nylɔmi

• Mɛni wa maa pee kɛ tsɔɔ kaa wa he Yesu ye?

• Mɛni o suɔ kaa o maa pee kɛ tsɔɔ kaa o bua jɔ nɔ́ nɛ Yehowa kɛ Yesu pee kɛ ha mo ɔ he?

• Mɛni he je nɛ e he hia wawɛɛ kaa o maa ya Kristo Gbenɔ ɔ Kaimi ɔ?

NÍ KPAHI NƐ MAA YE BUA MO

Mɛni nɛ Kristo gbenɔ ɔ woɔ wɔ he wami nɛ́ waa pee?

E Ngɔ E Nɔmlɔ Tso ɔ Kɛ Wo Yehowa Hɛ Mi Nyami (9:28)

Moo kase babauu kɛ kɔ hemi kɛ yemi, kɛ bɔ nɛ wa ma plɛ kɛ je lɛ kpo ha a he.

“Mo Ná Hemi Kɛ Yemi Ngɛ Yehowa Si Womi Ɔmɛ A Mi” (Hwɔɔmi Mɔ, October 2016)

Ke o ngɛ munyu nɛ yi ji “I Nuɔ He Kaa Ye He Tsɔ, I Ngɛ Wami Mi, Nɛ Ye He Su” ɔ kanee ɔ, mo kadi bɔ nɛ Kristo afɔle sami ɔ he ní nɛ yo ko kase ɔ ná e nɔ he wami ha.

“Baiblo ɔ Tsakeɔ Nihi A Si Himi” (Hwɔɔmi Mɔ, August 1, 2011)

Kase nɔ́ he je nɛ nihi bɔɔ pɛ lɛ a yeɔ abolo ɔ, nɛ a nuɔ wai ɔ.

“Mɛni He Je Nɛ Bɔ Nɛ Yehowa Odasefohi Yeɔ Nyɔmtsɛ ɔ Gbɔkuɛ Niye Ní ɔ Ha a Je Ekpa Ngɛ Bɔ Nɛ Jami Kpahi Peeɔ Lɛ Ha a He ɔ?” (Munyu nɛ ɔ ngɛ Intanɛti ɔ nɔ)