Mo Je Suɔmi Nɛ O Ngɛ Ha Mawu Ɔ Kpo

Ke nɔ ko maa ya nɔ maa pee o huɛ ɔ, e sa kaa o kɛ lɛ nɛ sɛɛ ní. O buɔ lɛ tue, nɛ lɛ hu e buɔ mo tue. O tuɔ e he munyu kpakpa kɛ haa ni kpahi. Jã kɛ̃ e ji ke o pee Mawu huɛ. Mo susu nɔ́ nɛ Baiblo ɔ de ngɛ enɛ ɔ he ɔ he nɛ o hyɛ:

O kɛ Yehowa nɛ́ tu munyu daa ngɛ sɔlemi mi. “Nyɛɛ hɛɛ sɔlemi mi daa.”—Romabi 12:12, Somi He Ɔ.

Moo kane Mawu Munyu ɔ, nɛ ji Baiblo ɔ. “Ngmami tsuaa ngmami ɔ, Mawu mumi ɔ lɛ ha nɛ nihi ngma; nɛ e hi kɛ ha ní tsɔɔmi, kɛ ha hɛ mi kami, kɛ ha nɔ dlami.”—2 Timoteo 3:16.

Moo tsɔɔ ni kpahi Mawu he ní. “Lɔɔ he ɔ, nyɛɛ ya je ma amɛ a ngɔ ngɛ he tsuaa he, nɛ nyɛɛ pee mɛ ye kaseli. . . . Nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ.”—Mateo 28:19, 20.

Moo hɛ kɛ su Mawu huɛmɛ a he. “Nɔ nɛ kɛ ní leli nyɛɛɔ ɔ, e leɔ ní.”—Abɛ 13:20.

Yaa kpehi nɛ a peeɔ ngɛ Matsɛ Yemi Asa a nɔ ɔ. ‘Nyɛ ha wa susu wa sibi a he, konɛ wa hɛ nɛ dɔ ngɛ suɔmi kɛ nítsumi kpakpahi a he. Nɛ́ waa wo wa sibi he wami.’—Hebribi 10:24, 25, Somi He Ɔ.

Mo fi Matsɛ Yemi nítsumi ɔ se. “Lɔɔ he ɔ, nɔ tsuaa nɔ nɛ ha kaa bɔnɛ e to kaa e ma ha. E ha kɛ bua jɔmi, se pi kaa a ngɛ e nɔ nyɛe ke e pee; ejakaa Mawu suɔ nɔ nɛ haa nɔ́ kɛ tsui mi jɔmi.”—2 Korintobi 9:7.