Tue Bumi
Mɛni se nami nɛ ngɛ tue bumi he?
2Mo 19:5; 5Mo 10:12, 13; Fiɛ 12:13; Yak 1:22
Baiblo mi nɔ hyɛmi níhi nɛ maa ye bua wɔ:
1Sa 15:17-23—Gbalɔ Samuel kã Matsɛ Saul hɛ mi akɛnɛ e bui Yehowa tue ɔ he je, nɛ lɔ ɔ se ɔ, Samuel tsɔɔ Saul se nami nɛ ngɛ tue bumi he
Heb 5:7-10—E ngɛ mi kaa Yesu ji Mawu bi nɛ e ye mluku mohu lɛɛ, se benɛ e ngɛ zugba a nɔ nɛ e kɛ yi mi wami ngɛ kpee ɔ, e kase tue bumi
Mɛni e sa kaa Kristofo no ko nɛ e pee ke nɔ yelɔ ko fã lɛ kaa e gbo Mawu nɔ tue?
Baiblo mi nɔ hyɛmi níhi nɛ maa ye bua wɔ:
Dan 3:13-18—Benɛ Hebri nihewi etɛ nɛ a yeɔ anɔkuale ɔ a wami ya je oslaa mi po ɔ, a kua kaa a maa kplã si ha Matsɛ Nebukadnezar amaga a
Mat 22:15-22—Yesu de e se nyɛli ɔmɛ kaa a bu ma nɔ yeli ɔmɛ, se ke a de mɛ ke a pee nɔ́ ko nɛ ma ha nɛ a gbo Yehowa Mawu nɔ tue ɔ lɛɛ, e sa nɛ a bu Mawu mohu tue
Nít 4:18-31—Benɛ ma nɔ yeli ɔmɛ fã bɔfo ɔmɛ kaa a kpa fiɛɛmi ɔ, a ya nɔ nɛ a kɛ kã fiɛɛ
Mɛni e sa nɛ waa pee konɛ waa ya nɔ nɛ waa bu Yehowa tue?
5Mo 6:1-5; La 112:1; 1Yo 5:2, 3
Moo hyɛ La 119:11, 112; Ro 6:17 ɔ hulɔ
Baiblo mi nɔ hyɛmi níhi nɛ maa ye bua wɔ:
Ezr 7:7-10—Osɔfo Ezra nɛ yeɔ anɔkuale ɔ bɔ mɔde kaa e kɛ Mawu Mlaa a ma tsu ni bɔ nɛ pee nɛ e nyɛ nɛ e tsɔɔ ni kpahi konɛ mɛ hu a pee jã
Yo 14:31—Yesu tsɔɔ nɔ́ he je nɛ e peeɔ nɔ́ pɛ nɛ e Tsɛ ɔ fã lɛ ke e pee ɔ
Mɛni nɛ e sa kaa e wo wɔ he wami konɛ waa bu Yehowa kɛ Yesu tue?
Ke wa buɔ tue ɔ, mɛni blɔ nɔ nɛ lɔ ɔ tsɔɔ kaa wa ngɛ hemi kɛ yemi?
Ro 1:5; 10:16, 17; Yak 2:20-23
Moo hyɛ 5Mo 9:23 ɔ hulɔ
Baiblo mi nɔ hyɛmi níhi nɛ maa ye bua wɔ:
1Mo 6:9-22; Heb 11:7—Benɛ Yehowa fã Noa kaa e kpɛ daka a, e “pee jã pɛ” kɛ tsɔɔ kaa e ngɛ hemi kɛ yemi
Heb 11:8, 9, 17—Abraham tsɔɔ kaa e ngɛ hemi kɛ yemi kɛ gu Yehowa fami tue nɛ e bu nɛ e je Ur ma a mi kɛ jehanɛ se hu e binyumu ɔ nɛ e kplɛɛ nɔ kaa e kɛ maa sa afɔle ha lɛ ɔ nɔ
Mɛni si nɛ Yehowa wo nihi nɛ a buɔ lɛ tue ɔ?
Baiblo mi nɔ hyɛmi níhi nɛ maa ye bua wɔ:
3Mo 26:3-6—Yehowa wo si kaa e maa jɔɔ nihi nɛ a buɔ lɛ tue ɔ, nɛ e maa hyɛ a nɔ
4Mo 13:30, 31; 14:22-24—Yehowa jɔɔ Kaleb akɛnɛ e bu lɛ tue ɔ he je
Ke wa gbo tue ɔ, mɛni maa je mi kɛ ba?
Baiblo mi nɔ hyɛmi níhi nɛ maa ye bua wɔ:
1Mo 2:16, 17; 3:17-19—Akɛnɛ Adam kɛ Hawa gbo Yehowa Mawu nɔ tue he je ɔ, Paradeiso, mluku yemi, kɛ neneene wami ɔ bɔ mɛ
5Mo 18:18, 19; Nít 3:12, 18, 22, 23—Yehowa gba kɛ fɔ si kaa Gbalɔ ko maa ba nɛ lɛɛ e pe Mose, nɛ nihi nɛ a ma gbo e nɔ tue ɔ, a maa gbla a tue
Jud 6, 7—Bɔfohi atuã tsɔli kɛ nihi nɛ a ngɛ Sodom kɛ Gomora ma a mi ɔ gbo tue, nɛ lɔ ɔ ha nɛ Yehowa mi mi fu wawɛɛ
Mɛni he je nɛ e sa kaa waa bu Yesu Kristo tue ɔ?
Baiblo mi nɔ hyɛmi nɔ́ nɛ maa ye bua wɔ:
Yo 12:46-48; 14:24—Yesu tsɔɔ kaa a maa kojo nihi nɛ a kua kaa a maa bu e munyu ɔ tue ɔ
Mɛni he je nɛ e sa kaa Kristofohi nɛ a bu nihi nɛ a ngɛ a asafo ɔ hɛ mi nyɛe ɔ tue ɔ?
Mɛni he je nɛ e sa kaa Kristofo no yogbayo nɛ e ba e he si ha e huno ɔ?
Mɛni he je nɛ e sa kaa jokuɛwi nɛ a bu a fɔli ɔ?
Baiblo mi nɔ hyɛmi níhi nɛ maa ye bua wɔ:
1Mo 37:3, 4, 8, 11-13, 18—E ngɛ mi kaa Yosef nyɛminyumu ɔmɛ nyɛ lɛ mohu lɛɛ, se benɛ e tsɛ ɔ tsɔ lɛ a ngɔ ɔ, e bu tue nɛ e ya
Luk 2:51—E ngɛ mi kaa Yesu ye mluku nɛ e fɔli ɔmɛ ji adesahi nɛ a yi mluku mohu lɛɛ, se e ya nɔ nɛ e ba e he si ha mɛ