Teokrase Sɔmɔmi Sukuu ɔ Mi Nylɔmi

Wa ma susu sane bimi nɛ ɔmɛ a he ngɛ Teokrase Sɔmɔmi Sukuu ɔ mi ngɛ otsi nɛ je sisi June 28, 2010. Sukuu nɔ hyɛlɔ ɔ maa ngɔ hɛngmɛfia 20 nɛ e kɛ tue buli ma nylɔ níhi nɛ a kase kɛ je May 3 kɛ ba si June 28, 2010 otsi ɔ mi ɔ mi.

1. Mɛni wa ma nyɛ maa kase ngɛ Abner gbenɔ he aywilɛho nɛ David ye ɔ mi? (2 Sam. 3:31-34) [w05-E 5/15 bf. 17 kk. 6; w06-E 7/15 bf. 21 kk. 9-10]

2. Mɛni ji tɔmi nɛ Natan tɔ̃, nɛ mɛni heje nɛ Yehowa kua we lɛ kaa e gbalɔ ɔ? (2 Sam. 7:3) [rs-E bf. 134 kk. 8]

3. Mɛni blɔ nɔ lɛ 2 Samuel 7:14 ba mi ngɛ? [it-1-E bf. 273 kk. 3; it-2-E bf. 818 kk. 2]

4. Mɛni blɔ nɔ David je mi mi jɔmi kpo kɛ ha Mefiboshet ngɛ, nɛ kɛ e sa kaa enɛ ɔ nɛ sa wa he ha kɛɛ? (2 Sam. 9:7) [w02-E 5/15 bf. 19 kk. 5]

5. Mɛni wa ma nyɛ maa kase ngɛ huɛ bɔmi nɛ hi Itai, Gatno ɔ kɛ Matsɛ David a kpɛti ɔ he? (2 Sam. 15:19-22) [w09-E 5/15 bf. 27-28]

6. Mɛni ji munyu nɛ ngɛ Ngmami ɔ mi nɛ ha nɛ wa na kaa Mefiboshet nya nɛ Ziba po ɔ ji lakpa? (2 Sam. 16:1-4) [w02-E 2/15 bf. 14-15 kk. 11, sisi ní ngma]

7. Benɛ David de Barzilai nɛ e ye jeha 80 ɔ kaa e ba hi e matsɛ we ɔ, mɛni heje nɛ Barzilai de ke Kimham mohu nɛ e ya a? (2 Sam. 19:33-37) [w07-E 6/1 bf. 24 kk. 13]

8. Mɛni blɔ nɔ lɛ Yehowa he si bami ɔ pee David nɔmlɔ agbo ngɛ? (2 Sam. 22:36, NW) [w07-E 11/1 bf. 5 kk. 2; w04-E 11/1 bf. 29]

9. Mɛni heje nɛ Adoniya bɔ mɔde kaa e ma kpɔ matsɛ yemi ɔ ngɛ be mi nɛ David ngɛ wami mi ɔ? (1 Ma. 1:5) [w05-E 7/1 bf. 28 kk. 5]

10. Mɛni heje nɛ Yehowa ha sɔlemi nɛ Salomo sɔle kɛ bi nile kɛ níhi a se kɔmi ɔ heto? (1 Ma. 3:9) [w05-E 7/1 bf. 30 kk. 2]