Suɔmi Kadiɔ Anɔkuale Kristofohi​—Ko Fo Mo Pɛ O Nɔ́ Mi, Nɛ O Mi Mi Ko Wo La

NƆ́ HE JE NƐ E HE HIA: Yesu tsɔɔ kaa suɔmi ji nɔ́ nɛ a kɛ ma kadi e kaseli ɔmɛ. (Yo 13:34, 35) Ke wa hlaa kaa e hi ha ni kpahi, nɛ wa mi mi wui la a, wa ma nyɛ ma je suɔmi kpo kaa bɔ nɛ Yesu pee ɔ.—1Ko 13:5.

BƆ NƐ O MAA PEE LƐ HA:

• Ke nɔ ko de nɔ́ ko aloo e pee nɔ́ ko nɛ e dɔ mo ɔ, mo ná tsui nɛ o hyɛ kaa mɛni he je nɛ nɔ ɔ pee e ní jã a. Jehanɛ se hu ɔ, mo susu ní yayahi nɛ maa je nɔ́ nɛ o to kaa o maa pee ɔ mi kɛ ba a he.—Abɛ 19:11.

• Mo kai kaa wɔ tsuo wa yi mluku, nɛ be komɛ ɔ, wa deɔ ní komɛ aloo wa peeɔ ní komɛ nɛ pee se loko wa piaa wa he

• Ke nɔ ko pee mo nɔdɔ nɔ́ ko ɔ, o kɛ lɛ nɛ dla oya nɔuu

NYƐƐ HYƐ VIDEO NƐ JI “NYƐƐ SUƆ NYƐ SIBI”​—KO FO MO PƐ O NƆ́ MI, NƐ O MI MI KO WO LA, LƆ Ɔ SE Ɔ, NYƐ HA SANE BIMI NƐ ƆMƐ A HETO:

• Mɛni tsɔɔ kaa Larry ní peepee ɔ po blɔ mi ngɛ nɔ́ nɛ Harris de ɔ he?

• Kɛ Harris tsui si nɛ e to kɛ susu níhi a he ɔ ye bua lɛ nɛ e mi mi wui la ha kɛɛ?

• Kɛ gbi blɛuu nɛ Harris kɛ ha heto ɔ ha nɛ Larry tsui he jɔ ha kɛɛ?