15 Ամեն տեսակ կենդանի արարածներ, որոնց մեջ կյանքի շունչ* կար, զույգերով Նոյի մոտ՝ տապան էին մտնում: 16 Այսպիսով՝ ամեն տեսակ կենդանի արարածներից* արու և էգ տապան մտան, ճիշտ ինչպես Աստված պատվիրել էր Նոյին: Այնուհետև Եհովան դուռը փակեց նրա հետևից:

22 Վերցրեք մի փունջ զոպա,* թաթախեք տաշտում լցված արյան մեջ և ցողեք տան շեմքի վերին հատվածին ու դռան երկու կողափայտերին: Մինչև առավոտ ձեզնից ոչ ոք իր տան շեմքից չպետք է դուրս գա: 23 Երբ Եհովան անցնելիս լինի եգիպտացիներին պատուհասելու համար ու տեսնի շեմքի վերին հատվածին և դռան երկու կողափայտերին ցողված արյունը, Եհովան կանցնի մուտքի կողքով ու թույլ չի տա, որ մահաբեր պատուհասը մտնի ձեր տները:+

10 Եհովայի անունը ամուր աշտարակ է:+

Այնտեղ է փախչում արդարը և պաշտպանություն ստանում:*+