15 Նրանց նախահայրերի Աստված Եհովան շարունակ պատգամաբերներ էր ուղարկում և նորից ու նորից նախազգուշացումներ էր տալիս նրանց, որովհետև խղճում էր իր ժողովրդին և չէր ցանկանում, որ իր բնակավայրը ավերվի: 16 Բայց նրանք հեգնում էին ճշմարիտ Աստծու պատգամաբերներին,+ արհամարհում էին նրա խոսքերը+ և ծաղրում նրա մարգարեներին:+ Ի վերջո Եհովայի բարկությունը բորբոքվեց իր ժողովրդի դեմ,+ որին բուժել այլևս հնարավոր չէր:

26 Սակայն սկսեցին չհնազանդվել քեզ, ըմբոստացան քո դեմ+ ու մերժեցին քո Օրենքը:* Նրանք սպանեցին քո մարգարեներին, որոնք հորդորում էին վերադառնալ քեզ մոտ, և խիստ անհարգալից վարվեցին քո հանդեպ:+

30 Բայց դու տարիներ շարունակ համբերատար էիր նրանց նկատմամբ+ և քո ոգով շարունակ մղում էիր մարգարեներիդ, որ նախազգուշացումներ տան նրանց, սակայն նրանք ականջ չէին դնում: Ի վերջո նրանց մատնեցիր շրջակա երկրների ժողովուրդների ձեռքը:+

3 «Հուդայի թագավորի՝ Ամոնի որդի Հովսիայի իշխանության 13-րդ տարուց+ սկսած մինչև այսօր 23 տարի է, ինչ Եհովան խոսում է ինձ հետ, և ես նորից ու նորից խոսում եմ* ձեզ հետ, բայց դուք չեք լսում:+