• Երեմիա 10։12-16
    Աստվածաշունչ․ «Նոր աշխարհ» թարգմանություն

    • 12 Նա է իր զորությամբ պտղաբեր երկիրը ստեղծել,

      Իր իմաստությամբ այն հաստատել+

      Եվ իր հասկացողությամբ երկինքը տարածել:+

      13 Երբ նա խոսում է,

      Ջրերը երկնքում շառաչում են:+

      Նա ամպեր* է բարձրացնում երկրի ծայրերից,+

      Կայծակներ է ուղարկում՝ անձրևին ուղեկից,*

      Եվ քամի է հանում իր ամբարներից:+

      14 Բոլոր մարդիկ անխոհեմ են վարվում և գիտելիք չունեն:

      Մետաղագործները կամաչեն, որ կուռքեր են պատրաստել,+

      Որովհետև նրանց ձուլածո արձանները խաբեություն են,

      Դրանցում ոգի* չկա:+

      15 Դրանք փուչ են և ծաղրանքի արժանի:+

      Երբ գա հատուցման օրը, դրանք կչքվեն:

      16 Սակայն Հակոբի Բաժինը դրանց նման չէ,

      Որովհետև նա ամեն բանի Ստեղծողն է,

      Եվ Իսրայելը նրա գավազանն է՝ նրա սեփականությունը:*+

      Զորքերի տեր Եհովա է նրա անունը:+