1 Տարեգրություն

9 Բոլոր իսրայելացիները գրանցված էին տոհմաբանության մեջ, որն ընդգրկված է «Իսրայելի թագավորների գրքում»: Հուդայի ժողովուրդը իր անհավատարմության պատճառով գերեվարվել էր Բաբելոն:+ 2 Առաջին բնակիչները, որոնք վերադարձան իրենց քաղաքներում գտնվող կալվածքներ, քահանաներ էին, ղևտացիներ, որոշ իսրայելացիներ ու տաճարի սպասավորներ:*+ 3 Հուդայի,+ Բենիամինի,+ Եփրեմի ու Մանասեի սերունդներից ոմանք բնակություն հաստատեցին Երուսաղեմում: 4 Այդ մարդիկ էին. Հուդայի որդի Փարեսի+ սերունդներից՝ Բանիի որդի Իմրիի որդի Ամրիի որդի Ամիուդի որդի Ութան, 5 Սելոմյաններից՝ Ասայիան՝ առաջնեկը, և նրա որդիները, 6 Զարայի որդիներից՝+ Հեուելը, ու նրանց եղբայրներից՝ 690 հոգի:

7 Բենիամինի սերնդից՝ Ասանուայի որդի Օդավիայի որդի Մեսուլամի որդի Սալլուն, 8 Մաքրիի որդի Օզիի որդի Էլայի որդի Հերոամի որդի Եբնեան ու Եբնիայի որդի Ռագուելի որդի Սափատիայի որդի Մեսուլամը: 9 Նրանց եղբայրների թիվը, ըստ իրենց տոհմաբանության, 956 էր: Այս բոլոր տղամարդիկ գերդաստանների գլուխներ էին:

10 Քահանաներից՝ Հեդայիան, Հովարիբը, Հաքինը,+ 11 ճշմարիտ Աստծու տանը ծառայող գլխավոր մարդկանցից մեկի՝ Աքիտոբի որդի Մարիոթի որդի Սադոկի որդի Մեսուլամի որդի Քեղկիայի որդի Ազարիան, 12 Մելքիայի որդի Փասուրի որդի Հերոամի որդի Ադայիան, Եմմերի որդի Մեսելամիթի որդի Մեսուլամի որդի Եզերայի որդի Ադիելի որդի Մասեն 13 և նրանց եղբայրները՝ քաջ և ընդունակ 1 760 մարդիկ, որոնք կարող էին ծառայել ճշմարիտ Աստծու տանը: Նրանք գերդաստանների գլուխներ էին:

14 Ղևտացիներից՝ Մերարիի սերնդից՝ Ասաբիայի որդի Եզրիկամի որդի Ասուբի որդի Սեմայիան,+ 15 Բակբակարը, Արեսը, Գալալը, Մաթանիան, որը Ասափի որդի Զեքրիի որդի Միքայի որդին էր, 16 Իդիթունի որդի Գալալի որդի Սեմայիայի որդի Աբդիան և Եղկանայի որդի Ասայի որդի Բարաքիան, որը բնակվում էր նետոֆացիների ավաններից մեկում:+

17 Դռնապաններից+ էին Ակկուբը, Տելմոնը, Աքիմանը և նրանց եղբայր Սեղումը, որը նրանց գլխավորն էր 18 և նախկինում ծառայել էր արևելյան կողմում գտնվող արքունական դարպասների մոտ:+ Սրանք էին ղևտացիների ճամբարների դռնապանները: 19 Կորխի որդի Աբիասաբի որդի Կորեի որդի Սեղումը և իր գերդաստանից իր եղբայրները՝ Կորխյանները, դռնապաններ էին վրանի մուտքի մոտ ու վերահսկում էին այդ ծառայությունը, իսկ նրանց նախահայրերին վստահված էր եղել Եհովայի ճամբարի մուտքի հսկողությունը: 20 Փենեհեսը՝+ Եղիազարի+ որդին, նրանց գլխավորն էր եղել: Եհովան նրա հետ էր: 21 Զաքարիան՝+ Մասելամիայի որդին, հանդիպման վրանի մուտքի պահապանն էր:

22 Մուտքերը հսկելու համար ընտրված էր 212 դռնապան: Նրանք բնակություն հաստատեցին իրենց ավաններում՝ ըստ իրենց տոհմաբանության:+ Դավիթն ու Սամուել տեսանողը*+ այս ծառայությունը վստահել էին նրանց նախահայրերին: 23 Նրանք ու նրանց որդիները նշանակված էին պահպանելու Եհովայի տան,+ այսինքն՝ խորանի դռները: 24 Դռնապանները կանգնում էին չորս կողմերում՝ արևելյան, արևմտյան, հյուսիսային և հարավային:+ 25 Նրանց եղբայրները, որ բնակվում էին ավաններում, ժամանակ առ ժամանակ պետք է յոթ օրով գային, որպեսզի ծառայեին նրանց հետ: 26 Չորս գլխավոր* դռնապաններին, որոնք ղևտացիներ էին, վստահված էր սենյակները* և ճշմարիտ Աստծու տան գանձարանները հսկելու գործը:+ 27 Նրանք, ողջ գիշեր իրենց տեղերում կանգնած, հսկում էին ճշմարիտ Աստծու տան շուրջբոլորը, քանի որ այդ գործը իրենց էր հանձնարարված: Նրանց վստահված էր նաև բանալին, որ ամեն առավոտ բացեին տան դռները:

28 Ոմանք պատասխանատու էին ծառայության մեջ օգտագործվող պիտույքների համար.+ այդ մարդիկ հաշվում էին պիտույքները, երբ դրանք ներս էին բերվում և երբ պետք է դուրս տարվեին: 29 Ոմանք էլ պատասխանատու էին ուրիշ պիտույքների, բոլոր սուրբ իրերի,+ մանր աղացած* ալյուրի,+ գինու,+ յուղի,+ կնդրուկի*+ և բալասանի յուղի+ համար: 30 Քահանաների որդիներից մի քանիսը բալասանի յուղի հիմքով անուշահոտ քսուքներ էին պատրաստում: 31 Ղևտացիներից Մատաթիան՝ Կորխի տոհմից Սեղումի առաջնեկը, պատասխանատու էր այն ամենի համար, ինչ թխվում էր տապակի վրա:+ 32 Նրանց եղբայրներից՝ Կահաթյաններից ոմանց հանձնարարված էր ամեն Շաբաթ պատրաստել Աստծու առաջ դրվող հացերը:+

33 Երգիչները՝ ղևտացիների գերդաստանների գլուխները, որոնք տաճարի սենյակներում* էին լինում, ազատված էին մյուս պարտականություններից, քանի որ օր ու գիշեր իրենց ծառայությունն էին անում: 34 Նրանք ղևտացիների գերդաստանների գլուխներ էին, ինչպես նշված է տոհմաբանության մեջ, և ապրում էին Երուսաղեմում:

35 Գաբաոնի հայրը՝* Հեյելը, բնակվում էր Գաբաոնում:+ Նրա կնոջ անունը Մաաքա էր: 36 Հեյելի որդիներն էին Աբդոնը, որը առաջնեկն էր, Սուրը, Կիսը, Բաալը, Նադաբը, 37 Գեդորը, Աքիովը, Զաքարիան և Մակելոթը: 38 Մակելոթը ունեցավ Սամաամին: Նրանք բոլորը ապրում էին իրենց եղբայրների* կողքին՝ Երուսաղեմում: 39 Ները+ ունեցավ Կիսին, Կիսը ունեցավ Սավուղին,+ Սավուղը ունեցավ Հովնաթանին,+ Մելքիսավեին,+ Աբինադաբին+ ու Եսբաալին: 40 Հովնաթանի որդին Մերի-Բահաղն էր:+ Մերի-Բահաղը ունեցավ Միքային:+ 41 Միքայի որդիներն էին Փիթոնը, Մելեքը, Թարեն և Աքազը: 42 Աքազը ունեցավ Հովարային, Հովարան ունեցավ Գալամեթին, Ազամոթին և Զամրիին: Զամրին ունեցավ Մոսային: 43 Մոսան ունեցավ Բանաային: Բանաայի որդին Ռաֆայիան էր, նրա որդին՝ Ելեասան, և նրա որդին՝ Եսելը: 44 Եսելը ուներ վեց որդի: Նրանց անուններն էին՝ Եզրիկամ, Բոքերու, Իսմայել, Սաարիա, Աբդիա և Հանան: Սրանք Եսելի որդիներն էին: