ՆԱՈՒՄ
1 Դատավճիռ՝ Նինվեի դեմ:+ Ելկեսացի Նաումի* տեսիլքի գիրքը:
2 Եհովան բացարձակ նվիրվածություն պահանջող Աստված է+ և վրեժխնդիր է լինում իր թշնամիներից:
Եհովան վրեժ է առնում և պատրաստ է թափելու իր ցասումը:+
Իր հակառակորդներից Եհովան վրեժ է առնում,
Նա բարկությամբ է լցված իր թշնամիների հանդեպ:
3 Եհովան համբերատար է*+ և մեծ զորության տեր,+
Բայց Եհովան մեղավորներին ոչ մի դեպքում անպատիժ չի թողնի:+
Երբ նա քայլում է, ավերիչ քամի ու փոթորիկ է լինում,
Եվ ամպերը փոշու պես բարձրանում են նրա ոտքերի տակից:+
Բասանն ու Կարմեղոսը չորանում են,+
Եվ թառամում են Լիբանանի ծաղիկները:
5 Նրա ներկայությունից լեռները ցնցվում են,
Եվ բլուրները՝ հալչում:+
Նրա երեսի առաջ դողում են երկիրը,
Աշխարհը և դրա բոլոր բնակիչները:+
Նրա զայրույթը կրակի պես կբռնկվի,
Եվ նա ժայռերը փուլ կտա:
7 Եհովան բարի է,+ ամրոց է նեղության օրը:+
Նա ուշադիր է նրանց հանդեպ,* ովքեր ապաստան են փնտրում իր մոտ:+
8 Կատաղի հեղեղով նա ամբողջովին կջնջի Նինվեի տեղը,*
Եվ խավարը կհետապնդի Նրա թշնամիներին:
9 Ի՞նչ կարող եք ծրագրել Եհովայի դեմ:
Նա հիմնովին կործանելու է ձեզ,
Եվ կարիք չի լինի, որ երկրորդ անգամ կործանում բերի:+
10 Նինվեի ժողովուրդը խճճված փշերի պես է
Եվ նման է գարեջրից հարբածների.
Նրանք կայրվեն, ինչպես չոր ծղոտը:
11 Քեզնից* դուրս կգա Եհովայի դեմ չարիք ծրագրողը,
Անօգուտ խորհուրդ տվողը:
12 Սա է ասում Եհովան.
«Թեև նրանք շատ ուժեղ են ու բազմաթիվ,
Սակայն բնաջինջ կլինեն ու կվերանան:
Ես ցավ եմ պատճառել քեզ,* բայց այլևս ցավ չեմ պատճառելու:
13 Ես կկոտրեմ քեզ վրա դրված թշնամու լուծը+
Եվ կկտրեմ կապանքներդ:
14 Քո* վերաբերյալ ես՝ Եհովաս, սա եմ հրամայել.
«Քո անունը կրող սերունդ այլևս չի լինի:
Քո աստվածների տնից կվերացնեմ քանդակված կուռքերն ու ձուլածո արձանները,
Քեզ համար գերեզման կպատրաստեմ, որովհետև դու ոչնչություն ես»:
15 Ահա լեռների վրա են նրա ոտքերը,
Ով բարի լուր է բերում և խաղաղություն հռչակում:+
Նա իսպառ բնաջինջ կլինի»:
2 Ցիրուցան անողը քո* դեմ է դուրս եկել:+
2 Եհովան վերականգնելու է Հակոբի վեհությունը,*
Ինչպես նաև Իսրայելի վեհությունը,
Քանի որ թշնամին ավերել է նրանց* երկիրը+
Եվ փչացրել նրանց շիվերը:
3 Նրա զորեղ մարդկանց վահանները կարմիր են ներկված,
Նրա ռազմիկները մուգ կարմիր են հագել:
Պատերազմի պատրաստվելու օրը
Նրա մարտակառքերի երկաթյա հարդարանքը կրակի պես փայլում է,
Ճոճվում են գիհու փայտից պատրաստված նիզակները:
4 Մարտակառքերը մոլեգնած սուրում են փողոցներով,
Մեծ արագությամբ անցնում-դառնում են հրապարակներով,
Փայլում են վառվող ջահերի նման, կայծակի պես սլանում են:
5 Նա* կհավաքի իր հզոր ռազմիկներին:
Առաջ շարժվելիս նրանք կսայթաքեն:
Նրանք կշտապեն դեպի քաղաքի պարիսպը
Եվ պատնեշ կկանգնեցնեն:
6 Գետերի դարպասները կբացվեն,
Ու պալատը փուլ կգա:*
7 Վճիռը կայացվել է.
Նա մերկացվել է, գերության է տարվել:
Նրա աղախինները կուրծք են ծեծում,
Հեծեծում են, աղավնիների պես՝ մնչում:
8 Իր գոյության օրերից ի վեր Նինվեն+ ջրերի ավազանի պես էր,
Բայց հիմա մարդիկ փախչում են:
Նրանց ձայն են տալիս՝ «Կանգնե՛ք, կանգնե՛ք»,
Բայց ոչ ոք չի շրջվում:+
9 Արծա՛թ թալանեք, ոսկի՛ թալանեք:
Գանձերն անսպառ են,
Ամեն տեսակ թանկարժեք բաների լիություն է:
10 Քաղաքը դատարկվել, ամայացել ու անմարդաբնակ է դարձել:+
Վախից նրանց սրտերը նվաղել են, ծնկները ծալվում են, մեջքները՝ դողում:
Բոլորի երեսները տագնապից գունատվել են:
11 Ո՞ւր է առյուծների* որջը,+ որտեղ կերակրվում էին երիտասարդ առյուծները,
Որտեղից առյուծը դուրս էր գալիս իր կորյունի հետ,
Եվ նրանց վախեցնող չկար:
12 Առյուծը բավականաչափ որս էր պատառոտում իր ձագերի համար
Ու խեղդում իր էգ առյուծների համար:
Իր որջը նա լցնում էր որսով,
Իր բույնը՝ պատառոտված կենդանիներով:
13 «Ես քո դեմ եմ,– ասում է Զորքերի տեր Եհովան,+–
Ամբողջությամբ կայրեմ* քո մարտակառքերը,+
Եվ սուրը կխժռի քո երիտասարդ առյուծներին:
3 Վա՜յ արյունահեղ քաղաքին:
Նա լի է խաբեությամբ ու թալանով,
Երբեք առանց որսի չի մնում:
2 Լսվում է մտրակի հարվածի ձայնը, անիվների դղրդյունը:
Սուրում է նժույգը, և կառքը կատաղի առաջ է ընթանում:
3 Ձիավորներ, փայլատակող սրեր, շողշողուն նիզակներ,
Բազմաթիվ սպանվածներ, դիակների կույտեր...
Անթիվ են դիակները:
Մեռածների մարմիններին դեմ առնելով՝ մարդիկ ընկնում են դրանց վրա:
4 Այս ամենի պատճառն այն է, որ այդ մարմնավաճառի մարմնավաճառությունը սահման չունի:
Նա գրավիչ է ու հմայիչ, կախարդությունների տիրուհի է.
Նա իր մարմնավաճառությամբ որոգայթն է գցում ազգերին և իր կախարդությամբ՝ տոհմերին:
5 «Այժմ լսիր. ես քո* դեմ եմ,– ասում է Զորքերի տեր Եհովան,+–
Հագուստիդ փեշերը մինչև երեսդ կբարձրացնեմ
Ու այնպես կանեմ, որ ազգերը տեսնեն քո մերկությունը,
Եվ թագավորությունները՝ քո խայտառակությունը:
6 Ես կեղտ կշպրտեմ քեզ վրա,
Քեզ արհամարհելի կդարձնեմ և ի ցույց կդնեմ:+
7 Ով որ տեսնի քեզ, կփախչի+ ու կասի.
«Նինվեն ավերվե՜լ է: Ո՞վ կկարեկցի նրան»:
Որտեղի՞ց քեզ մխիթարողներ գտնեմ:
8 Մի՞թե դու Նով-Ամոնից* լավն ես,+ որը բազմել էր Նեղոսի ջրանցքների մոտ:+
Նա շրջապատված էր ջրերով.
Ծովը նրա հարստությունն էր, պարիսպ էր նրա համար:
9 Եթովպիան նրա անսահման զորության աղբյուրն էր, ինչպես և Եգիպտոսը:
Փութն+ ու լիբիացիները նրա* օգնականներն էին:+
10 Բայց նույնիսկ նա արտաքսվեց, գերության տարվեց:+
Նրա երեխաները դաժանորեն սպանվեցին ամեն մի փողոցի անկյունում:
Նրա պատվավոր մարդկանց համար վիճակ* գցեցին,
Եվ նրա բոլոր մեծամեծները շղթաներով կապվեցին:
11 Դու* նույնպես կհարբես+ ու կթաքնվես:
Քո թշնամուց պաշտպանվելու համար ապաստարան կփնտրես:
12 Քո բոլոր ամրությունները նման են վաղահաս պտուղներով թզենիների,
Որոնք եթե թափ տրվեն, թզերը կընկնեն խժռողների բերանը:
13 Նայիր քո զորքերի՛ն. նրանք կանանց պես են:
Երկրիդ դարպասները լայն կբացվեն թշնամիներիդ առաջ,
Կրակը կլափի քո դարպասների նիգերը:*
14 Ջուր հանիր քեզ համար և պատրաստվիր պաշարմանը,+
Անառիկ դարձրու քո ամրությունները,
Մտիր ցեխը, տրորիր կավը
Եվ պատրաստ պահիր աղյուսի կաղապարը:
15 Բայց, միևնույն է, կրակը կլափի քեզ,
Սուրը բնաջինջ կանի,+
Դրանք կխժռեն քեզ, ինչպես մորեխի թրթուրները:+
Մորեխի թրթուրների պես շատացիր,
Այո՛, մորեխների պես բազմաքանակ դարձիր:
16 Քո առևտրականներին երկնքի աստղերից էլ շատ ես դարձրել:
Մորեխի թրթուրները պատռում են իրենց մաշկը և թռչում:
17 Քո պահապանները մորեխի նման են,
Եվ քո զորապետները՝ մորեխի երամի:
Ցուրտ օրը նրանք ճամբար են դնում քարե փարախների պատերի ծերպերում,
Բայց հենց որ արևը շողում է, թռչում գնում են,
Եվ ոչ ոք չի իմանում նրանց տեղը:
18 Հովիվներդ նիրհում են, ո՛վ Ասորեստանի թագավոր,
Ազնվականներդ անհոգ մնում են իրենց բնակատեղերում:
Ժողովուրդդ ցիրուցան է եղել լեռների վրա,
Եվ մեկը չկա, որ հավաքի նրանց:+
19 Քո աղետալի վիճակին թեթևացում չկա, քո վերքն անբուժելի է:
Բոլոր նրանք, ովքեր կլսեն քո մասին, ծափ կտան,+
Որովհետև մի՞թե կա մեկը, որ չի տառապել քո անվերջանալի դաժանությունից»:+
Նշանակում է «մխիթարիչ»:
Կամ՝ «չի շտապում բարկանալ»:
Կամ՝ «հոգ է տանում նրանց»: Բռց.՝ «ճանաչում է նրանց»:
Բռց.՝ «դրա տեղը»:
Այսինքն՝ Նինվեից:
Այսինքն՝ Հուդային:
Այսինքն՝ Ասորեստանի:
Այսինքն՝ ասորեստանցին:
Այսինքն՝ Նինվեի:
Կամ՝ «Ամրացրո՛ւ մեջքդ»:
Կամ՝ «հպարտությունը»:
Այսինքն՝ Իսրայելի:
Հավանաբար, խոսքը Ասորեստանի թագավորի մասին է:
Կամ՝ «կհալչի»:
Առյուծը Նինվեի ազգային խորհրդանիշներից մեկն էր:
Բռց.՝ «Ծխի մեջ կայրեմ»:
Բռց.՝ «Երկրի վրայից կկտրեմ քո որսը»:
Այսինքն՝ Նինվեի:
Այսինքն՝ Թեբեից (հին եգիպտական քաղաք):
Բռց.՝ «քո»:
Բառարանում տես «Վիճակ»:
Այսինքն՝ Նինվեն:
Փայտե կամ երկաթե ձող՝ դռան հետևից գցելու և այն փակելու համար: