Ndwomi

23 Gyehova ɩdɩ mɩ kilavʋlɔ. Dɩyɛ bela iléhyinyia mɩ. 2 Ɩma mɩda aliliyɛdɩka mɔɔ ndibe mɔɔ ɩyɛ ahʋmɩkã wɔ ɛkɛnɩ; Ɩfa mɩ ɩkɔ mʋnlɩlelɛdɩka mɔɔ nzulo sʋ̃maa wɔ ɛkɛnɩ. 3 Ɩma mʋ nwʋ ɩtɔ mɩ. Ɩfa mɩ iduwa ɛdɩnɣɛlɛ ɔhʋanɩ zʋ iluwa yi dima ti. 4 Sɛ muluwa bɔnka mɔɔ numɔ ɩyɛ anwuzumi po nu a, Mu kunlu iáduli dɩyɛ bela nwʋ, Iluwakɛɛ ɛkɩnla mʋ nwʋ; Wʋ bɛka nɩɩ wʋ panɩ yɛ ɩkyɩkyɩ mɩ ɛɣɛɛlɛ a. 5 Ɔtʋ ɔbʋnlɩ mɩ wɔ mɩ adamvʋlɔ anyunu. Ɛfa ngɔlɔ pa mi ti zʋ ma mʋ nwʋ tɔ mɩ; Mɩ kɔɔpʋ ɩyɛ manlɩ iwulu zʋ. 6 Nɔhʋanlɛ, baabayɛlɛ nɩɩ ɔlɔlɛ mɔɔ ɩwɔ ɛkɛnɩ daabaa keli mɩ mɛda mʋ nnwʋanlɩ eɣile yi munwala, Na mʋkɔwʋwa Gyehova yɩ awudo mɩ nnwʋanlɩ eɣile munwatĩĩ.