Gyɛnɛsɩsɩ
1 Ahyɛasɩ nɩ Nyamɩnlɩ wɔlɩ sʋlɔ nɩɩ azɩlɛ yɩ. 6 Akʋ̃ Nyamɩnlɩ hanlɩ kɛɛ: “Oyumi ɣɩla nzulo nɩ bɛ avinli na ɩhyɛ nzulo yi nu.” 21 Na Nyamɩnlɩ wɔlɩ ngyemvile nu abɔdɩ nɣezile nɩɩ abɔdɩ mɔɔ nnwʋanlɩ wɔ numɔ mɔɔ boluwaluwa nzulo nu mɩtɩ̃mɩtɩ̃ munwala kɛmɔ bo subanɩ ɩdɩ nɩɩ nnamɩ mɔɔ botu mɔɔ bɛlɛ andɛba munwala kɛmɔ bo subanɩ ɩdɩ. Na Nyamɩnlɩ nwʋnlɩ kɛɛ ɩdɩyɛnɛ. 25 Na Nyamɩnlɩ wɔlɩ ɔwʋlɔtʋ nnamɩ kɛmɔ bo subanɩ ɩdɩ, nɩɩ nyɛmʋnwa kɛmɔ bo subanɩ ɩdɩ, nɩɩ nnamɩ mɔɔ botwi be mi azɩ munwala wɔ azɩlɛ yɩ zʋ kɛmɔ bo subanɩ ɩdɩ. Na Nyamɩnlɩ nwʋnlɩ kɛɛ ɩdɩyɛnɛ. 26 Akʋ̃ Nyamɩnlɩ hanlɩ kɛɛ: “Ma yɛyɛ enii wɔ yɛ subanɩ zʋ kɛmɔ yɛdɩ nɩ la, na beli ngyemvile nu egyeni nɩɩ nnamɩ mɔɔ botu, nyɛmʋwa, nɩɩ nnamɩ mɔɔ botwi be mi azɩ mɔɔ boluwaluwa azɩlɛ yɩ zʋ munwala zʋ.” 27 Na Nyamɩnlɩ wɔlɩ enii wɔ yɩ subanɩ zʋ, Nyamɩnlɩ yi subanɩ zʋ yɛ ɩwɔlɩ yɩ a; benyia nɩɩ baalɛ yɛ ɩwɔlɩ bɛ a.