2 Timoti
3 Naasʋ̃ nwʋ yɩ kɛɛ, awielɩyɛ mmɩlɩ yi nu nɩ, mmɩlɩ mɔ numɔ yɛ sɩ kɛɣa. 2 Iluwakɛɛ mmenii bɛbayɛ angʋmidi, ozukua anyɩnlɩbʋlʋ, apigyiabigyiabɔnwʋ, ahantanɩ, bɛbahɩnhã mmuzulo ndwokɔ, belétiye bɛ awʋvʋlɔ, boniayɛmaa, belédi nɔhʋanlɛ, 3 belényia ɔlɔlɛ bɛkɛma bɔ ɔhɔnwʋ, mmenii mɔɔ bɛáhʋla bɛ nɩɩ bɛ yɛ nhyɩhyɛlɩyɛ, dimazɩkɛlɛmaa, bɔlɔ́kʋla bɛkɛhyɛ bɔ nwʋ zʋ, bɔ nwʋ kɛyɛ ɛyɛlɛ, bɛ anyɩ ilédeli baabayɛlɛ nwʋ, 4 bɛbayɩ mmenii mvʋlɔ bɛkɛma, bɛ azʋ̃ ɩbayɛ sɩ, bɛbayɛ apigyiabigyiabɔnwʋ, bɔkɔlɔ anyɩnlɩlelɛdɩyɛ bɛkɛdɛla Nyamɩnlɩ, 5 ɔnwʋ bɛ a, ɛkɛhã kɛɛ bɔsʋ̃mɩ Nyamɩnlɩ naasʋ̃ bɛ ɛbɩlawɔlɛ iáhile ɔzɔ; na eyimmɔ yɛ twɩ̃ wʋ nwʋ wɔ bɔ nwʋ a. 13 Naasʋ̃ amumuyɛmaa nɩɩ nahɩlɩbɛmaa bɛbahɔlɩ bɛ anyunu wɔ tanɩyɛlɛ nu, bɛkɛlahɩlɩlahɩlɩ mmenii mvʋlɔ na abiyemmɔ sʋ̃ bɛkɛlahɩlɩlalɩ bɔnlʋmmɔ sʋ̃. 16 Ɛhɛlɛlɛ yɩ nɩ munwatĩĩ ɩzʋ̃ Nyamɩnlɩ yi sunzuma nu, na ɩdɩ baaba ɩma ehilehilelɛ, bɛfa botwi enii yɩ anyunu, bɛfa bɛtɩnɣɛ nninyeni, na bɛfa bɛtɩdɩ yɛ ma yɛyɛ mɔɔ ɩtɩnɣɛ, 17 na ama Nyamɩnlɩ yɩ sʋ̃mɩvʋlɔ nɩ ɩavata, mɔɔ beziyeziye yi bɛma egyima baaba bela.