2 Awulombunli

11 Yɛ Naamanɩ valɩ ɛya ɛzɩzɩbɛ ɛzɩzɩbɛ na ɩlanɩnlɩ yɩ nwʋ kɛɛ ɩkɔɔ, ɩhanlɩ kɛɛ: “Kila, mamɩ mɛyɩ nɩ mʋdwɩnɩɩ kɛɛ, ‘Ikevinde ɩkɛɣa mɩ pɛ na ɩkɔwɔ Gyehova yɩ Nyamɩnlɩ nɩ yi dima, na ɩava yɩ sa ɩavɩvalɩ kokobe yɩ nwʋ ma mʋ nwʋ ɩaza.’ 12 Asʋ̃ Damasɩkɛsɩ baka Abeena nɩɩ Faapa ɩ́dɩyɛnɛ ɩtɛla Yizilaya nzulo nɩ munwala a? Meti ankɩ mʋlɔ́kʋla mukoyuwa ɔzɔ nzulo yɩ nu be ma mʋ nwʋ ɩkɛdɩ a?” Ɩhanlɩ ɔzɔ nɩ, ɩvalɩ ɛya izili numɔ kɛɛ ɩkɔɔ. 13 Yɩ nkɛlɛ nɩ hwɩnlɩ ɣikeli yi na bɛhanlɩ kɛɛ: “Mɩ zɩ, sɛ dɩyɛ kezile be yɛ nkɔmɩhyɛnii nɩ ɩhanlɩ ihileli wʋ kɛɛ ɛyɛ a, ankɩ ɛlɛ́yɛ anzɛnyɩɩ? Meti sɛ ɩhã ihile wʋ kɛɛ, Biyia na wʋ nwʋ ɩdɩ a, mɛyɩ yɛ ɔlɔ́kʋla ɛkɛyɛ a?” 14 Bɛhanlɩ ɔzɔ nɩ, ɩvalɩ yɩ nwʋ ɩhɔ idianlɩ Dwɔdanɩ baka yɩ nu mbɔmɩ asunwa, kɛmɔ nɔhʋanlɛ Nyamɩnlɩ enii nɩ hanlɩ hileli yi nɩ. Na yɩ nnwʋnlamɩ anyɩ izia ɩɣalɩ ɩyɛlɩ kɛɛ kuakula ɛgyɩkɩ̃ɩ̃ yɩ nnwʋnlamɩ, na yɩ nwʋ ɩdɩlɩ.