Gyɛnɛsɩsɩ

12 Na Gyehova hanli hileli Abilamɩ kɛɛ: “Ɔzʋ̃ wʋ azɩlɛ zʋ nɩɩ wu mmusunwamaa bo nu nɩɩ wʋ zɩ pɛ tu kɔ azɩlɛ mɔɔ mikehile wʋ nɩ zʋ. 2 Mɩkɛyɛ wʋ manlɩ kezile, na mikeyila wʋ, na mɩkɛma wʋ dima kɛyɛ kezi, na ɛkɛyɛ nyilalɛ ɛkɛma mmenii. 3 Mikeyila bɛzabɛ mɔɔ beyila wʋ, na mmuzulo kɛhã abiyela mɔɔ ɩkɛhã mmuzulo odwokɔ ikediyia wʋ nɩ, na ɔhʋanɩ bela zʋ sa azɩlɛ yɩ zʋ mmusunwa munwala boduwa wʋ zʋ benyia nyilalɛ.” 4 Yɛ Abilamɩ hɔlɩ kɛmɔ Gyehova hanlɩ hileli yi nɩ, na Lɔɔtʋ ɩ nɩɩ hɔlɩ. Mmɩlɩ mɔ Abilamɩ ɩzʋ̃ Halanɩ ɩyɩlɩ yɩ nwʋ nɩ, nɩ ili alʋbɔ 75.