Matiyu
3 Mɔ nɩ ɩda Olivi File yi zʋ nɩ, adʋwavʋlɔ nɩ bɛɣalɩ yɩ nwʋ ɛkɛnɩ wɔ ahanlɩ, bɛhanlɩ kɛɛ: “Kã kile yɛ, mɩnla mmɩlɩ yɛ eyimmɔ kɛɣa nu a, na mɩnla yɛ ɩkɛyɛ wʋ ɛɣalɩyɛ nɩɩ oyuwadɩ yɩ awielɩyɛ nwʋ sɛnkyɩlɛdɩ a?” 7 “Na manlɩ kodwodwu kediyia manlɩ yɛɛ bulombunlililɛ kodwodwu kediyia bulombunlililɛ, na kɔmɩ nɩɩ azɩlɛwʋsʋlɛ kɛɣa nnɩka nnɩka. 8 Eyimmɔ munwatĩĩ ɩdɩ kɛɛ awʋbɔ nu ɛyɛkɛtʋwɔlɛ. 9 “Akʋ̃ mmenii kɛdɩɩdɩɩ bɛ na bɛahũhũ bɛ, na mi dima ti amanlɩ amanlɩ munwatĩĩ kɛdanɩ bɛ. 10 Akʋ̃ sʋ̃, mmenii sʋ̃maa bɔzʋ̃ dedi nɩ nwʋ bɛkɛyɩ bɔ nwʋ na bɛkɛyɩ bɔ nwʋ bɔ nwʋ bɛkɛma na bɛadanɩ bɔ nwʋ. 11 Awohwi nkɔmɩhyɛmaa sʋ̃maa kɛɣa na bɛalahɩlɩ mmenii sʋ̃maa; 12 na iluwakɛɛ tanɩyɛlɛmaa kɔzʋnɩ nɩ ti, mmenii sʋ̃maa bɔ ɔlɔlɛ nu ikogo. 13 Naasʋ̃ mɔɔ ikegyina pindinyii ɩkɔhɔ ikodwu awielɩyɛ nɩ yɛ bekele yɩ nnwʋanlɩ a. 14 Na bɔkɔwɔ odwokɔba eyi mɔɔ ɩfalɩ Bulombunlililɛ yɩ nwʋ ɛlawulo wɔ oyuwadɩ yɩ dɩka bela bɛkɛva bekeli mmenii dasɩlɛ, na akʋ̃ awielɩyɛ nɩ ɩaɣa. 21 sianti yɛ lɛ kɛɛ anwʋhyɩlɩyɛ kezile mɔɔ ɔzʋmɩ oyuwadɩ yɩ tʋwɔlɛ babʋmɩ nnɛ, ebiye ilésili kyɩ̃ na ebiye sʋ̃ ilési dɔkʋ̃ kyɩ̃ kɛɣa. 22 Nɔhʋanlɛ, sɛ bɛátua mmɩlɩ nɩ zʋ a, beléde nnwʋnlamɩ bela nnwʋanlɩ; naasʋ̃ iluwa mmenii mɔɔ bɛba nu bɛyɩ bɛ nɩ ti, bokodua mmɩlɩ nɩ zʋ.