Ye Egyima Nɩ Mɔɔ Beleli Bedianlɩ Nu Wɔ Mmɛla Nu Wɔ Quebec

Mmɩlɩ mɔ nɩ bedii Pɔɔlʋ yɩ odwokɔ nɩ, izianlɩ kɛɛ bɛva yɩ odwokɔ nɩ bɔhɔ Siiza yɩ agyia zʋ. Ɔnwʋmɔ ɔhʋanɩ mɔɔ nɩ ɩwɔ wɔ mmɛla nu kɛɛ Wulominii mɔɔ ɩvalɩ ilili egyima nɩ, ɩmanlɩ ɩyɛlɩ ndianwʋ ɩmanlɩ yɛ wɔ nnɛ. Kilá vidiyo mɔɔ ise Ye Egyima Nɩ Mɔɔ Beleli Bedianlɩ Nu Wɔ Mmɛla Nu Wɔ Quebec nɩ, na suma kezimɔ ye mmeliyema nɩ bɛvalɩ ɔzɔ ɔnwʋmɔ ɔhʋanɩ nɩ begyinanlɩ odwokɔba nɩ yɩ mɛda. Akʋ̃ yɩ́ ndwokɔɣizialɛ eyimmɔ yi munwa:

• Mɩnla ndwokɔ ɛzɩzɩbɛ yɛ ye mmeliyema nɩ beyiyialɩ wɔ Quebec a?

  

• Mɩnla kɛlɛta ɛɣalɛ titili yɛ bɛhyɩhyɛlɩ a, na mɩnla yɛ ɩzʋ̃ numɔ ɩɣalɩ a?

• Mɩnla yɛ ɩdʋlɩ Aliyema Aimé Boucher a?

• Mɩnla pɔkɔ yɛ Kɔɔtʋ Kezile mɔɔ ɩwɔ Canada nɩ izili wɔ Aliyema Boucher yɩ odwokɔ yɩ nwʋ a?

• Ɔnwʋmɔ ɔhʋanɩ mɔɔ bɔwɔ wɔ mmɛla nu mɔɔ bɛáda bɛfa bedi egyima ɛhɩnla dɩyɛ yɛ ye mmeliyema nɩ bɛvalɩ belili egyima a, na mɩnla yɛ ɩzʋ̃ numɔ ɩɣalɩ a?

• Azɔfʋ be bebinyia binyianlɩ abolisimaa be ma bɛɣa bɛzɩkɛlɩ yɛ dɩyɛzumanlɛ be. Mɛyɩ yɩ mɛda nɩ, mɩnla yɛ izili a?