Kɔ Ɔzʋlɔ Fa Abʋtalɩ Dɩkɛ

Mmɩlɩ tɩndɩnlɩ ana yɛ ɛva ɛlɩkɛɛ Nyamɩnlɩ yi Bulombunlililɛ nɩ yɩ ɛɣalɩyɛ nɩ a? Asʋ̃ ɛlɛ abʋtalɩ ekyinaa numɔ pindinyii ɩávalɩ ɔnwʋmɔ ndwokɔ ɛzɩzɩbɛ mɔɔ eyiyiaa nɩ anzɛnyɩɩ? (Wul 8:25) Kilisinyiamaa be beyiyiaa ɛdanɩlɛ, atɩɩtɩɩ, fiyiadɩ ɛlalɛ, anzɛnyɩɩ bɛfa owulo bonwunla nwunla bɛ po. Abiyemmɔ sʋ̃ bekyina odwohilalɛ be dɩkɛɛ adimakɛlɛ mɔɔ bɛáhʋla bɛsa anzɛnyɩɩ ebaniyɛlɛ yi munwa.

Mɩnla yɛ ɩkɔwʋwa yɛ ma yɛkɔhɔlɩ ɔzʋlɔ yɛkɛlɩkɛ wɔ odwohilalɛ bela nu a? Ɩsɛ kɛɛ yɛhyɛ ye dedi nu ɛzɩzɩbɛ iluwa Bayɩbʋlʋ yɩ mɔɔ yɛkɛɣɩnga yɩ eɣile bela na yɛadwɩnɩndwɩnɩ nwʋmɔ bʋwɔ nɩ zʋ. Ɩsɛ kɛɛ yɛfa yɛ adwɩnɩ yesiye yɛ anyɩnlɩlazʋ nɩ zʋ. (2Kɔl 4:16-18; Hib 12:2) Ɩsɛ kɛɛ yesiã Gyehova wɔ mpayɩwɔlɛ nu kɛɛ ɩva yɩ sunzuma nwanzanwanza nɩ ɩwʋwa yɛ. (Lk 11:10, 13; Hib 5:7) Yɛ Zɩ mɔɔ ɩwɔ ɔlɔlɛ nɩ, ɩkɔhʋla ɩkɔwʋwa yɛ ma yɛkɛva ‘abʋtalɩ nɩɩ anyɩnlɩlelɛ yekegyina pindinyii wɔ dɩyɛ bela yi munwa.’—Kol 1:11.

KILÁ VIDIYO MƆƆ ISE ƖSƐ KƐƐ “YEMINYIA YƐ NWƲ BAABA YEƔIANDI EƔIANDINLƐ NƖ”—NYIÁ ANWƲLAZƲ KƐƐ EKENYIA NKUNIMILILƐ AKYƐDƖ NƖ, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• 

  Mɩnla “asianɩ” yɛ ɩkɔhʋla ɩkɔdʋ yɛ wɔ ɛbɩlawɔlɛ nu a? (Odw 9:11)

• 

  Sɛ yeyiyia odwohilalɛ a, mɩnla ɔhʋanɩ zʋ yɛ mpayɩ ɩkɔhʋla ɩkɔwʋwa yɛ a?

• 

  Sɛ yɛáhʋla yɛyɛ sʋ̃maa wɔ Gyehova yɩ ɔzʋ̃mɩnlɛ nu dɔkʋ̃ a, mɩnla ti mɔɔ ɩsɛ kɛɛ yɛfa yɛ adwɩnɩ yesiye mɔɔ yɛkɔhʋla yɛkɛyɛ nɩ zʋ a?

• 

  Mɩnla yɛ ɩbʋwa wʋ ma ɔkɔlɩ ɔzʋlɔ enyia anwʋlazʋ kɛɛ wʋ sa ɩkɛhã nkunimililɛ akyɛdɩ nɩ a?