Fá Ɔhɔnwʋmmɔ Nɣɛlɛbɛ Nu

Mɔɔ ɩdʋlɩ Yizilayamaa wɔ Mowabɩ azɩlɛ tɛtɛlɛ yɩ zʋ nɩ, ɩdɩ kɔkɔwɔlɛ nwʋ ndianwʋ ɩma Kilisinyiamaa. (1Kɔl 10:6, 8, 11) Yizilayamaa mɔɔ bɛvalɩ bɔ nwʋ bɔwɔlɩ Mowabɩ mmaalɛ mɔɔ bɛ ɛbɩla ɩzɩkɛ na bɔsʋ̃mɩ awʋzʋmɩ nɩ, ɩmanlɩ bɛlahɩlɩlɩ bɛ ma bɛyɛlɩ tanɩ mɔɔ numɔ ɩyɛ ɔnlʋmɔ. Na eyi ɩmanlɩ bo nu sʋ̃maa zɛ bowuwuli. (Nɔ 25:9) Ye egyima nu maa, ye sukuulumaa, yɛ apaa yi nu maa, ye mmusunwamaa, nɩɩ yɛ ɔhɔnwʋmmɔ mɔɔ bɛázʋ̃mɩ Gyehova bodua yɛ nwʋ beyiyia. Mɩnla yɛ yɛkɔhʋla yekozuma wɔ Bayɩbʋlʋ nu odwokɔ eyi mɔɔ ɩfalɩ asianɩ mɔɔ ɩwɔ bɛzabɛ mɔɔ bɛázʋ̃mɩ Gyehova mɔɔ yɛ nɩɩ bɛ kɔwɔ pampɩ̃ɩ̃ nɩ nu a?

KILÁ VIDIYO MƆƆ ISE KƆKƆWƆLƐ BE MƆƆ ƖDƖ NDIANWƲ ƖMA YƐ NNƐ​—YƖ ƆFƲÃ BE, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• 

  Mɩnla nzunzunlɩyɛ tanɩ yɛ Zimilayɩ nɩɩ yɩ ɔhɔnwʋmmɔ bɛhanlɩ behileli Gyemɩnɩ a?

• 

  Mɩnla ɔhʋanɩ zʋ yɛ Fɩnɩhasɩ ɩwʋwalɩ Gyemɩnɩ ma izunzunli nninyeni nwʋ bʋwɔ a?

• Kɛ yekehile abiye mɔɔ ɩázʋ̃mɩ Gyehova nwʋ anyɩnlɩlelɛ nɩɩ kɛ yɛkɛva yɩ ɔhɔnwʋ pampɩ̃ɩ̃ nɩ, mɩnla sʋnʋnkʋ̃ yɛ ɩwɔ nu a?

• Mɩnla ti mɔɔ wɔ asafʋ yi nu po nɩ, sɛ yɛfaa ɔhɔnwʋ a, ɩsɛ kɛɛ yekehila bʋwɔ paa a?

• Mɩnla ti mɔɔ íni kɛɛ yɛ nɩɩ mmenii mɔɔ yézi bɛ bʋwɔ nɩ di nkitanwʋ wɔ okuwu azʋlɔtʋ mɔɔ bekileti wɔ sohyiya midiya (social media) zʋ nɩ a?