Asʋ̃ Ɛpɩbɛ Wʋ Mpayɩwɔlɛ Nwʋ Munwalɩyɛ a?

Ndianwʋ sʋ̃maa wɔ Bayɩbʋlʋ yɩ nu mɔɔ ɩma yɛnwʋ kɛɛ Gyehova tiye mpayɩwɔlɛ. Mmɩlɩ mɔ Nyamɩnlɩ yɩ azʋ̃mɩvʋlɔ bɔnwʋnlɩ kezimɔ Gyehova diyeli bɛ mpayɩwɔlɛ na ilili bɛ atɩɩtɩɩ nwʋ egyima ɩmanlɩ bɛ nɩ, pilazunɛ bela íni nwʋmɔ kɛɛ be dedi yɛlɩ sɩ. Meti wɔ yɛ mpayɩ nu nɩ, ɩkɛyɛ baaba kɛɛ yɛkɛhã mɔɔ ididee yɛ pɔkyɩɩ, na yɛava yɛ anyɩ yeadiã azɩ yeahila kezimɔ Gyehova ibuwa. Kakɛ kɛɛ, munwalɩyɛ mɔɔ ekenyia nɩ, ɩkɔhʋla ɩkɛyɛ sʋnʋnkʋ̃ anzɛnyɩɩ ɩkɔwʋlʋ mɔɔ nɩ ekilaa yɩ ɔhʋanɩ nɩ zʋ. (2Kɔl 12:7-9; Ɛfɩ 3:20) Kɛ ebiye a Gyehova kowuwa yɛ mpayɩwɔlɛ ikeze a? Ɩkɔhʋla ɩkɛma:

• Nnwʋnlamɩ, nɣanlɩdɩlɛ nɩɩ sunzuma ɔfʋã nu anwʋzɩzɩbɛ mɔɔ yɛkɔhʋla yɛkɛva yekegyina yi munwa.—Fɩl 4:13

• Nɣɛlɛbɛ yɛ ma yɛkɛva yekezi pɔkɔba.—Gye 1:5

• Yekenyia ɛpɛ nɩɩ anwʋzɩzɩbɛ mɔɔ yɛkɛva yekegyina yi munwa.—Fɩl 2:13

• Yekenyia azʋ̃nudwolɩyɛ na ama adwɩnɩndwɩnɩ ɩáhyɛlɩ yɛ zʋ.—Fɩl 4:6, 7

• Mmenii mvʋlɔ kɔwʋwa yɛ wɔ nnwʋnlamɩ anzɛnyɩɩ nɣanlɩdɩlɛ ɔfʋã nu.—1Dwɔ 3:17, 18

• Bɛzabɛ mɔɔ yɛbɔ mpayɩ yɛma bɛ nɩ bekenyia mmʋwalɩyɛ.—Egy 12:5, 11

KILÁ VIDIYO MƆƆ ISE GYEHOVA DƖ “MPAYƖ DIYELƐVƲLƆ,” NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• Sɛ yɛ pɔkɔdɩlɛ ti yɛáhʋla yɛyɛ sʋ̃maa a, kɛ eliyema Shimizu yi ozumalɛnwʋnlɛ yɩ ɩkɔhʋla ɩkɛhyɛ yɛ ɛzɩzɩbɛ ikeze a?

• Kɛ ɩkɛyɛ na yɛazumazuma eliyema Shimizu yi ndianwʋ yɩ be a?