ƆFƲÃ 4

Bediyeli Abɔnsamɩ Nɩ—Mɩnla Dɩyɛ Yɛ Ɩzʋ̃ Numɔ Ɩɣalɩ a?

Adamɩ nɩɩ Yifi bɛátiye Nyamɩnlɩ, meti bowuli. 2 Kɔlɛntɩmaa 11:3

Yifi ilili owudo yɩ mɔɔ bɛhanlɩ kɛɛ ama idi nɩ na ɩvalɩ ebiye ɩmanlɩ Adamɩ

Yifi idiyeli ɔwɔlɔ yɩ, na ilili owudo mma nɩ be. Aɣinzi nɩ, ɩvalɩ ebiye ɩmanlɩ Adamɩ sʋ̃, na ilili.

Adamɩ nɩɩ Yifi bɔzʋ̃ bɛ Paladayɩsɩ pika yɩ nɩ nu bɛyɩɩ bɔ nwʋ

Mɔɔ bɛyɛlɩ nɩ, nɩ ɩdɩ tanɩ mɔɔ onumɔ yɛɛ ɔnlʋmɔ. Ɔzɔ ti Nyamɩnlɩ iduduli bɛ wɔ Ɛdɩnɩ toolo yɩ nu.

Ɛbɩlawɔlɛ nu yɛlɩ ɛzɩzɩbɛ ɩmanlɩ bɛ nɩɩ bɛ mma. Bɛyɛlɩ mmɩlɩɣa na bowuwuli. Bɛákɔ sʋlɔ anzɛnyɩɩ Abɔnsamɩ sɩnɩ nu; nɩ bení nnwʋanlɩ nu.

Mmenii mɔɔ bowu yɩ nɩ bɛdɩ kɛɛ ndɛdɛlɛ. 1 Kɔlɛntɩmaa 15:47

Mmenii mɔɔ ɔsʋnɩ abiyela nɩ yɩ ammamu wɔ mmɩlɩ azʋlɔtʋ nu

Sianti mɔɔ yɛwu yɛ lɛ kɛɛ, yemunwatĩĩ yɛzʋ̃ Adamɩ nɩɩ Yifi bonu yɛɣalɩ a. Awuvʋlɔ ánwʋ dɩyɛ anzɛnyɩɩ bɛádɩ odwokɔ anzɛnyɩɩ bɛáhʋla bɛyɛ dɩyɛ bela, ɩdɩ kɛɛ mɔ bɛla.—Dwɔɔnʋ 11:11-14.

Kuakula baalɛ yɩ iwu na yɩ abusunwamaa bosũ yi

Gyehova ɩábɔ mmenii kɛɛ bowu. Ɩlɛ́kyɛ ɩbadunwo mmenii mɔɔ bɛlɩla wɔ owulo nu munwatĩĩ. Sɛ betiye yɩ a, bɔkɔwʋwa azɩ dabaa.