Nzuloyilɛ Kezile Nɩ​—Aninyiammɔ Yɛ Bediyeli a? Aninyiammɔ Sʋ̃ Yɛ Bɛátiye a?

Nowa yɩ mmɩlɩ zʋ maa bɛyɛlɩ nninyeni tanɩ. Genesis 6:5, NW

Adamɩ nɩɩ Yifi bɔwʋlɩ nnwuakula, na mmenii yɛlɩ sʋ̃maa zɛ wɔ azɩlɛ yɩ zʋ. Naasʋ̃ mmɩlɩ ɩkɔ ɔzʋlɔ nɩ, awɔvʋlɔ be wogyinanlɩ Abɔnsamɩ ɩafʋã.

Bɛɣalɩ azɩlɛ yɩ zʋ na bɛzɩnzanlɩ bɔnwʋ kɛɛ mmenyia na ama bɛahʋla bɛagyigyia mmaalɛ. Na bɔwʋlɩ nnwuakula mmenyia mɔɔ bɛdɩdɩ nɣezile na bɔ nwʋ sʋ̃ yɛ ɛzɩzɩbɛ.

Mmenii bɛyɛlɩ nninyeni tanɩ wɔ oyuwadɩ yɩ dɩka bela. Bayɩbʋlʋ ɩkã kɛɛ, “Nɩ enii yɩ tanɩyɛlɛ ɩyɛ kezile wɔ azɩlɛ yɩ zʋ na nɩ mɔ isunzu ɔnwʋmɔ wɔ yɛahʋnlɩnɩ nu bela ɩdɩ tanɩ mmɩlɩ munwatĩĩ.”

Nowa idiyeli Nyamɩnlɩ na ɩwʋwɔlɩ ɛlɛnɩ yɩ nɩ. Hibulumaa 11:7

Nɩ Nowa ɩdɩ enii baaba. Gyehova izeli Nowa kɛɛ ɩbazɩkɛ tanɩyɛlɛmaa wɔ nzuloyilɛ kezile be nu.

Nyamɩnlɩ izialɩ izeli Nowa kɛɛ ɩwʋwɔ ɛlɛnɩ kezile be, na ɩvá yɩ abusunwa nɩɩ nnamɩ azʋlɔtʋ ɩhɔ numɔ.

Nowa ɩwɔlɩ Nzuloyilɛ mɔɔ nɩ ɩba ɩnwʋ kɔkɔ, naasʋ̃ bɛátiye. Mbiyemmɔ bɛzɩlɩlɩ yɩ; mvʋlɔ sʋ̃ hyili yɩ.

Mmɩlɩ mɔɔ ɩwʋwɔlɩ ɛlɛnɩ iwieli nɩ, Nowa ɩvalɩ nnamɩ yɩ nɩ ɩhɔlɩ numɔ.