Gyisɛsɩ Yɩ Wulo Yɩ Nɩ, Mɩnla Mfasʋ Yɛɛ Ekenyia Wɔ Zʋ a?

Gyisɛsɩ iwuli na ama ianyia nnwʋanlɩ. Dwɔɔnʋ 3:16

Gyisɛsɩ iwuli yɩ mɛda eɣile asã nɩ, Mmaalɛ be bɔhɔlɩ yɩ nna yɩ zʋ na nɩ íni ɛkɛnɩ. Nɩ Gyehova idunwo Gyisɛsɩ wɔ owulo nu.

Aɣinzi nɩ, ɩyɩlɩ yɩ nwʋ ihileli yɩ adʋwavʋlɔ yɩ nɩ.

Amba, Gyehova idunwonli Gyisɛsɩ kɛɛ sunzuma nu abɔdɩ mɔɔ ɩwɔ tumi mɔɔ ilówu kyɩ̃. Gyisɛsɩ yɩ adʋwavʋlɔ bɔnwʋnlɩ kɛɛ ɩkɔ sʋlɔ.

Nyamɩnlɩ idunwonli Gyisɛsɩ na ɩyɛlɩ yɩ Bulombunli wɔ yɩ Bulombunlililɛ manlɩ yɩ zʋ. Yikile 11:15

Gyisɛsɩ ɩvalɩ yɩ nnwʋanlɩ idianlɩ ɛkɛnɩ na ɩava iale mmenii sʋ̃maa. (Matiyu 20:28) Ilʋwa ɔzɔ ti, Nyamɩnlɩ ɩma ɩyɛ bʋwɔ kɛɛ yekenyia nnwʋanlɩ mɔɔ íni awielɩyɛ.

Gyehova ɩyɩ Gyisɛsɩ kɛɛ Bulombunli mɔɔ ili azɩlɛ yɩ zʋ tumi. Sa mmenii nɔhʋanlɛmaa abʋmɩ yaalɛ anwunluma anla nɩɩ anla (144,000) mɔɔ bokodunwo bɛ bɔkɔhɔ sʋlɔ nɩ kɛhɩnla yɩ nwʋ. Gyisɛsɩ nɩɩ abʋmɩ yaalɛ anwunluma anla nɩɩ anla (144,000) bɔ numɔ yɛ sʋlɔ Bulombunlililɛ mɔ ɩtɩnɣɛ​—Nyamɩnlɩ Bulombunlililɛ nɩ.​—Yikile 14:1-3.

Nyamɩnlɩ Bulombunlililɛ nɩ ɩkɛyɛ azɩlɛ yɩ paladayɩsɩ. Kʋnɛ, tanɩyɛlɛ, anwʋhyɩlɩyɛ nɩɩ kɔmɩ íni ɛkɛnɩ ebiyekʋ̃. Enii ikeli fɛlɛkʋ̃ baaba.​—2 Pita 3:13.