Mmenii Mvʋlɔ Bɔkʋla Bɛtɩ Yɩ Tʋ

1 Kɔlɛntɩmaa 14:9

MƆ ƖSƐ KƐƐ ƐYƐ: Bʋwá wʋ ediyelɛmaa nɩ ma bɛdɩ mɔɔ ekilehilee nɩ yɩ tʋ.

KEZIMƆ ƐKƐYƐ YƖ:

• Sumá wʋ egyimalilɛ nɩ bʋwɔ baaba. Tɩ́ wʋ odwokɔtile nɩ tʋ bʋwɔ na ama wʋahʋla wʋava wʋzawʋ wʋ odwokɔ wʋahilehile nu ma numɔ ɩala ɛkɛnɩ.

• Fá ndwokɔ nzikalɛ mɔɔ numɔ ɩla ɛkɛnɩ di egyima. Ɩwɔ numɔ kɛɛ mfʋmɩ bela íni ndwokɔ adɩndɩnlɩ ɩhanlɛ nwʋ dɩyɛ, naasʋ̃ sa ɔkʋla ɛkã ndwokɔ mɔɔ numɔ ɩla ɛkɛnɩ ɛfa ɛda ndwokɔ aditili ali wɔ ɔhʋanɩ sikalɛ zʋ.

• Kilehilé ndwokɔ abɔkɔ mɔɔ yɩ tʋdɩlɛ ɩyɛ ɛzɩzɩbɛ nɩ nu. Áma ɛfa ndwokɔ abɔkɔ mɔ ɩkɛyɛ ɛzɩzɩbɛ ɩkɛma wʋ ediyelɛmaa nɩ kɛɛ bɛkɛdɩ yɩ tʋ nɩ edi egyima. Sɛ ɩsɛ kɛɛ ɛfa ndwokɔ abɔkɔ mɔ yɩ tʋdɩlɛ ɩyɛ ɛzɩzɩbɛ dɩkɛɛ Bayɩbʋlʋ nu mmenii, ɔwɔkɩ ozunzunlɛdɩyɛ, anzɛnyɩɩ ammamu edi egyima a, kilehile numɔ bʋwɔ baaba.