Ndwokɔ Má Bɛzabɛ Mɔɔ Bɛɣa Ayiyialɩyɛ Yɩ Tʋ Nɩ

AWUDOLELƐDƖKA Yesiãã wʋ, ma ɩwʋwa wʋ adwɩnɩ nu kɛɛ ɩwɔ kɛnɩ ɩma mmenii mɔɔ bɔ nwʋ kɛba bɛ aɣilemvile nu nɩ la.

BƆ NWƲ MƆƆ BOTU BƐMA Sɛ ɛpɛ kɛɛ ɔbʋwa egyima mɔɔ ɩkɔlɩɩ zʋlɔ wɔ ayiyialɩyɛ yɩ tʋ a, yesiãã wʋ kɔ́ azʋkɔlɩyɛ eyi.

DƖKA MƆƆ BƐPƖBƐ NNINYENI MƆƆ IMINLI Ɩsɛ kɛɛ bɛfa nninyeni mɔɔ iminli nɩ munwala bɔkɔ azʋkɔlɩyɛ eyi. Sɛ wʋ debe minli a, kɔ́ azʋkɔlɩyɛ eyi na kɛbɩbɛ yɩ. Nnwuakula mɔɔ beminli nɩ, ɩsɛ kɛɛ bɛfa bɛ bɔkɔ ɔzɔ azʋkɔlɩyɛ nɩ. Naasʋ̃, mɔɔ ɩkɛyɛ na wʋátɩɩdɩɩ mmeliyema nɩ, yesiãã wʋ ma wʋ anyɩ hɔ wu nnwuakula nwʋ na ɛ nɩɩ bɛ wʋwa wɔ nu.

DƖKA MƆƆ YƐBƲWA Yesiãã wʋ, dwɩnɩ wʋ mmeliyema nwʋ. Kakɛ́ kɛɛ, sa ɔkʋla esiye biyia ma mmenii mɔɔ bɔwɔ wʋ abusunwa nu, mmenii mɔɔ ɛ nɩɩ bɛ vʋlɩ kaalɩ wɔlɩ nu, mmenii mɔɔ ɛ nɩɩ bɛ wɔ pika ɔkʋ̃ nu, anzɛnyɩɩ enii mɔɔ ɛ nɩɩ yɩ suma Bayɩbʋlʋ sikalɛpɛyɩ. Yesiãã wʋ, biyia mɔɔ elésiye kɛma abiye nɩ, áma ɛfa nninyeni esiyeziye zʋlɔ.

FƲTƲLƆYƖLƐ Bɔwɔ mmɔdɩnɩ bɛyɛ nhyɩhyɛlɩyɛ ma yenyia dɩka mɔɔ yɛkɔwʋwa, mahyini mɔɔ bɛtɩndɛ numɔ, mahyini mɔɔ bɛfa bɛyɩ vidiyo, nɩɩ nninyeni mvʋlɔ mɔɔ ɩkɛma ayiyialɩyɛ nɩ kɛyɛ anyɩnlɩlelɛ na ɩawʋwa yɛ ma yɛaɣike Gyehova bʋwɔ. Fʋtʋlɔ mɔɔ bɔzʋ̃ bɛ ahʋnlɩnɩ nu bɛkɛyɩ nɩ kɔwʋwa ma yekoduwa ayiyialɩyɛ yɩ nwʋ kakɛ na yɛava yɛawʋwa oyuwadɩ munwala ɔzʋ̃mɩnlɛ egyima nɩ sʋ̃. Kɛmɔ nninyeni kɔhɔ bʋwɔ nɩ, bɛva fʋtʋlɔ nnɛka mɔɔ bɛhɛlɛ nwʋmɔ nɩ beziyeziye ayiyialɩyɛ yɩ tʋ dɩka bela. Sɛ ɩkɛyɛ bʋwɔ a, yesiãã bɛ kɛɛ boluwa intanɛtɩ zʋ bɛyɩ fʋtʋlɔ wɔ donate.jw.org zʋ. Yɛ anyɩ sɔ fʋtʋlɔ mɔɔ bɛkɛyɩ nɩ baaba. Ɔhʋanɩhilelɛ Okuwu nɩ da mʋnlʋmmɔ asɩ wɔ bɛ ahʋnlɩnɩ nu mɔɔ bɔzʋ̃ bɛyɩ fʋtʋlɔ bɛfa bɔbʋwa Bulombunlililɛ nwʋ egyima nɩ.

NGYƐVƲLƆLELƐMAA Ngyɛvʋlɔlelɛmaa nɩ be egyima yɛ lɛ kɛɛ bɔkɔwʋwa wʋ. Yesiãã wʋ, ɛ nɩɩ bɛ yɛ adwɩnɩ wɔ ɔhʋanɩhilelɛ mɔɔ ɩfalɩ dɩka mɔɔ ɛkɛva wʋ kaalɩ kegyina, dɩka mɔɔ ɩsɛ kɛɛ oduwa, biyia mɔɔ bɛpɛ betiã kɛnɩ bɛma abiye, nɩɩ nninyeni mvʋlɔ nwʋ.

ONLUMANLƐ Sɛ ɔhʋanɩhilelɛ fʋlɔ ɩába dɩyɛ a, mmenii mɔɔ bɛbanluma nɩ kɔwʋwa ayuwa mɔɔ iziye anyunumi nɩ zʋ. Ɩsɛ kɛɛ onlumanlɛmaa nɩ bɔkɔ bɔbʋwa kɛnɩ wɔ Fʋlɔ nwɔnɩ ansaana onlumanlɛ ndɛnɩ nɩ ɩawɔ yɩ tʋ. Ɩsɛ kɛɛ bo nu bela fa nduhũ nɩɩ atalɩ mɔɔ ɩfata mɔɔ ikowula ɩba.

Gyehova Dasɩvʋlɔmaa bɛ Ɔhʋanɩhilelɛ Okuwu nɩ yɛ bɛyɛlɩ nwʋmɔ nhyɩhyɛlɩyɛ a