Kɛ Ɩkɛyɛ Na Wʋaziyeziye Wʋ Nwʋ Wʋama Ɛhakɛlɛlilɛ Nɩ a?

Ɔzʋmɩ ɔlʋbɔ eyi mɔɔ ɩkɔɔ nɩ, sa yenyia mmɩlɩ sʋ̃maa yesiyeziye yɛ nwʋ yɛma Kɩlayɩsɩ yi owulo nwʋ Ɛhakɛlɛlilɛ nɩ. Sɛ Ɛhakɛlɛlilɛ eɣile nɩ isi wɔ dapɛnɩ yi nu a, bɛlɛ́yɛ Ɛbɩlawɔlɛ Nɩɩ Dasɩlɛlilɛ Ayiyialɩyɛ nɩ wɔ ɔzɔ dapɛnɩ nɩ nu. Na sɛ Ɛhakɛlɛlilɛ eɣile nɩ isi wɔ dapɛnɩ yɩ awielɩyɛ sʋ̃ a, bɛlɛ́yɛ bagua nu Bayɩbʋlʋ ndɛnɩ nɩɩ Watchtower Dɩyɛzumanlɛ yɩ nɩ. Asʋ̃, ɛkɛva ɔzɔ mmɩlɩ nɩ mɔ bɛlɛ́yɛ dɩyɛzumanlɛ nɩ ekeli egyima bʋwɔ a? Kɛmɔ nɩ ɩdɩ wɔ asʋ̃mavʋlɔ bɛ mmɩlɩ zʋ nɩ, ɩsɛ kɛɛ yesiyeziye dɩka mɔɔ yɛkɛyɛ egyimalilɛ titili eyi nɩ. (Lk 22:7-13; km-TW 3/15 1) Naasʋ̃, nninyeni mvʋlɔ be wɔ ɛkɛnɩ mɔɔ ɩsɛ kɛɛ yɛyɛ na ama yɛanyia egyimalilɛ eyi zʋ mfasʋ baaba. Kɛ ɩkɛyɛ na yɛayɛ ɔzɔ a?

• Dwɩnɩndwɩnɩ́ sianti mɔɔ ihyinyia kɛɛ ɔkɔ nɩ nwʋ.​—1Kɔl 11:23-26

• Fá mpayɩwɔlɛ sunzu ɛ nɩɩ Gyehova bɛ avinli abusunwawɔlɛ nɩ nwʋ.​—1Kɔl 11:27-29; 2Kɔl 13:5

• Kɩngá na dwɩnɩndwɩnɩ́ Bayɩbʋlʋ nu nkyɩkyɛmi nɩɩ awuuku mɔɔ igyĩ Bayɩbʋlʋ yɩ zʋ mɔɔ ikilehile mɔɔ Ɛhakɛlɛlilɛ nɩ ikile nɩ nu.​—Dwɔ 3:16; 15:13

Ɛlawulowɔlɛmaa be bɛkɩnga na bɔdwɩnɩndwɩnɩ Ɛhakɛlɛlilɛ Bayɩbʋlʋ ɛɣɩngalɛ mɔɔ ɩwɔ Examining the Scriptures Daily nu nɩ nwʋ. Abiyemmɔ sʋ̃ bedi Ɛhɛlɛlɛ Odwokɔ mɔɔ bɛhyɩhyɛ wɔ azɩ ɛkɩhyɩ nɩ mɛda. Abiyemmɔ sʋ̃ bosunzu ndwokɔ mɔɔ ɩba Watchtower nu mɔɔ ɩkã Ɛhakɛlɛlilɛ yɩ nɩɩ ɔlɔlɛ mɔɔ Gyehova nɩɩ Gyisɛsɩ bɛla yɩ ali behile yɛ nɩ nwʋ ndwokɔ nwʋ. Ɩɣɩla kɛɛ, dɩyɛzumanlɛ nhyɩhyɛlɩyɛ bela mɔɔ ɛkɛyɛ nɩ ɩkɔwʋwa wʋ ma ekeɣike Gyehova nɩɩ yɩ Ɣa yɩ baaba baaba.