Nyɛlɩyɛba Mɔɔ Yɛ Ɛɣɛɛlɛ Ɩlɔ́kʋla Ikevi

Sa Gyehova yi mmenii munwatĩĩ bɔkʋla bɛyɛ nninyeni be bɛma yɛ Nyamɩnlɩ mɔɔ yɩ ɛɣɛɛlɛ iléfi kyɩ̃. Kɛmɔ ɔwʋvʋlɔ mɔɔ ɩwɔ ɔlɔlɛ nɩ yɩ ɛɣɛɛlɛ iávi nninyeniba mɔɔ yɩ mma bɛyɛ nɩ, Gyehova sʋ̃ yɩ ɛɣɛɛlɛ iávi ye egyima nɩɩ ɔlɔlɛ mɔɔ yekile wɔ yi dima nwʋ nɩ (Mt 6:20; Hib 6:10) Nɔhʋanlɛ nu nɩ, ɔsʋnɩ abiyela yɩ anwʋzɩzɩbɛ nɩɩ yɩ bʋwabɩlɛ. Naasʋ̃ sɛ yɛyɛ mɔɔ yɛkɔhʋla bela wɔ yɛ ɔzʋ̃mɩnlɛ nu yɛma Gyehova a, sa yɛ anyɩ ide. (Gal 6:4; Kol 3:23) Alʋbɔ sʋ̃maa yɛ dɩ, mmɩlantɩyɛ nɩɩ nɣɛdɛkɛ abʋmɩ abʋmɩ yɛ bɔzʋ̃mɩ wɔ Bɛtɩlɩ a. Asʋ̃ ɔkɔhʋla okodu wʋ nwʋ ɛkɛma na wʋahɔ wʋazʋ̃mɩ wɔ Bɛtɩlɩ a? Sɛ ɔlɔ́kʋla ɛkɛyɛ ɔzɔ a, asʋ̃ sa ɔkʋla ɛhyɛ abiye ɛzɩzɩbɛ ma ɩyɛ ɔzɔ a, anzɛnyɩɩ ɔbʋwa Bɛtɩlɩ abusunwa yi nu enii be ma ɩkɔlɩ ɔzʋlɔ ɩsʋ̃mɩ wɔ ɔzɔ ɔhʋanɩ titili eyi zʋ a?

KILÁ VIDIYO MƆƆ ISE WƲ NWƲ MƆƆ OKODU ƐKƐMA BƐTƖLƖ ƆZƲ̃MƖNLƐ EGYIMA, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• Mɩnla yɛ ɩsɛ kɛɛ ɩhyɛ wʋ ɛzɩzɩbɛ ma ɔkɔ ɔsʋ̃mɩ wɔ Bɛtɩlɩ a?

• Mɩnla ndwokɔ yɛ abiyemmɔ bɛhã bɛvalɩ nyilalɛ mɔɔ ɩwɔ Bɛtɩlɩ ɔzʋ̃mɩnlɛ nu nɩ nwʋ a?

• Mɩnla nninyeni yɛ ɩma abiye ɩfata kɛɛ ɩkɔzʋ̃mɩ wɔ Bɛtɩlɩ a?

• Kɛ ɩkɛyɛ na wʋaɣizia ɔnwʋmɔ ɔhʋanɩ mɔɔ ɩkɛma ɔkɔzʋ̃mɩ wɔ Bɛtɩlɩ a?