Gyehova Ɩdɔ Mmenii Mɔɔ Bɔ Nwʋ Ɩtɩ

“Wʋwʋ́ wʋ sa nwʋ. Siyeziyé wʋ aliyia nu. Pʋnwá ɛkɛnɩ. Kɔdʋ́ owula yɩ kua.” Awʋvʋlɔ sʋ̃maa bekilehile bo nnwuakula kezimɔ bɛkɛma bɔ nwʋ ɩkɛdɩ. Naasʋ̃, anwʋdɩlɛ mɔɔ awʋvʋlɔ bɛfa bekilehile bo nnwuakula nɩ, ɩzʋ̃ yɛ Nyamɩnlɩ mɔɔ ɩdɩ nwanzanwanza nɩ yɩ ɛkɛnɩ. (Ɛkɩ 30:18-20; Dit 23:14; 2Kɔl 7:1) Sɛ yɛma yɛ nnwʋnlamɩ anyɩ nɩɩ nninyeni mɔɔ yɛlɛ nɩ nwʋmɔ tɩ a, nɩ yɛhyɛɛ Gyehova animinyiamɩ. (1Pit 1:14-16) Na yɛ awudo nɩɩ yɛ apaa yi nu sʋ̃ ɛ? Kilisinyiamaa bɔbɔ mmɔdɩnɩ kɛɛ bɛkɛma azɩlɛ yɩ anyɩ ɩkɛdɩ, meti bɛádʋ owula bokua ɔhʋanɩ pɛ anzɛnyɩɩ petee nu kɛmɔ mbiyemmɔ bɛyɛ nɩ. (Ndw 115:16; Yik 11:18) Kezimɔ yɛtʋ nninyeni ngyɩkɩ̃ɩ̃ ngyɩkɩ̃ɩ̃ be dɩkɛɛ nzulo nɩɩ tɔfɩ̃ wʋlɔba, nzã bɔtʋlʋ, yɛɛ kyɩngamɩ yekua nɩ ikile kezimɔ yɛ anwʋdɩlɛ ɩdɩ. Wɔ dɩyɛ bela nu nɩ, yɛpɛ kɛɛ “yɛma mmenii bɔnwʋ yɩ kɛɛ yɛdɩ Nyamɩnlɩ yɩ akɛlɛ.”—2Kɔl 6:3, 4.

KILÁ VIDIYO MƆƆ ISE NYAMƖNLƖ ƖDƆ MMENII MƆƆ BƆ NWƲ ƖTƖ, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• Sɛ abiye iáli yɩ nwʋ nni anzɛnyɩɩ ɩáma yɩ nwʋ ɩtɩ a, mɩnla ndwokɔ yɛ ɩyɛ a, ɩfa ɩyɩyɩ yi munwa a?

• Mɩnla ɔhʋanɩ zʋ yɛ Mosisi Mmɛla nɩ, ɩma yɛnwʋ Gyehova yɩ adwɩnɩ wɔ anwʋdɩlɛ nwʋ a?

• Mɩnla ɔhʋanɩ zʋ yɛ yɛ nyɛlɩyɛ ɩkɔhʋla ɩkɛma bɛkɛhamvʋ Gyehova a?