BAYƖBƲLƲ NU ANWƲNYIA | ƐKƖSADƆSƲ 10-11

Mosisi Nɩɩ Elɔnʋ Bɛlalɩ Akɛnɣazɩzɩbɛ Kezile Ali

10:3-6, 24-26, 28; 11:4-8

Mosisi nɩɩ Elɔnʋ bɛlalɩ akɛnɣazɩzɩbɛ kezile ali wɔ mmɩlɩ mɔ bɛ nɩɩ Falo, benyia mɔɔ nɩ ɩdɩ tumivʋlɔ kezile wɔ ɔzɔ mmɩlɩ yɩ nu nɩ bɛtɩndɛɛ nɩ. Mɩnla yɛ ɩwʋwalɩ bɛ a? Mɔɔ ɩfalɩ Mosisi nwʋ nɩ, Bayɩbʋlʋ nɩ ɩkã kɛɛ: “Iluwa dedi zʋ ti yɛ Mosisi yi kunlu iátuli bulombunli nɩ yɩ ɛya mɔɔ ɩkɛva nɩ, na ɩzʋ̃ Igyibiti ɩyɩlɩ yɩ nwʋ a. Dedi ti yɛ igyinanlɩ yɩ agyia nu kɛɛ enii mɔɔ ɩnwʋ Nyamɩnlɩ nɩ mɔɔ anyɩnlɩ ɩánwʋ yɩ nɩ.” (Hib 11:27) Nɩ Mosisi nɩɩ Elɔnʋ bɔwɔ Gyehova yi nu dedi kezile na bɛvalɩ bɔ nwʋ bedianlɩ yɩ zʋ.

Mɩnla bʋwabɩlɛ yɛ ikehyinyia kɛɛ ɛkɛva akɛnɣazɩzɩbɛ ɛkɛla wʋ dedi ali wɔ tumivʋlɔ be anyunu a?

Mfonyini: Bʋwabɩlɛ azʋlɔtʋ mɔɔ ikehyinyia akɛnɣazɩzɩbɛ. 1. Kuakula benyia be mɔɔ ɩwɔ sukuulu mɔɔ igyĩ ɛkɛnɩ dinyii wɔ mmɩlɩ mɔ yɩ ɔhɔnwʋmmɔ besemaa fɩlanga nɩ. 2. Eliyema benyia be igyĩĩ kɔɔtʋ. 3. Eliyema benyia kuakula be mɔɔ ɩlɛ kɛlɛta ɛɣalɛ be ɩmaa pika yi diibenyia be wɔ dasɩlɛlilɛ nu, mmɩlɩ mɔ polisinii be igyĩ bɛ mɛda ikilaa bɛ.