BAYƖBƲLƲ NU ANWƲNYIA | LƐVITIKƆSƲ 4-5

Fá Mɔɔ Ɔwɔ Mɔɔ Ɩdɩ Baaba Paa Ma Gyehova

Nɩ ehyinyia ɩlɔ́kʋla ikezi azʋ̃nudwolɩyɛ mɔɔ Yizilayanii be ɩkɔhʋla ɩ nɩɩ Gyehova bekenyia nɩ ɔhʋanɩ. Sɛ mɔɔ Yizilayanii be ɩlɛ ɩma nɩ ɩdɩ baaba paa ɩtɛla ebiyela nkʋ̃tɩnyɩɩ dɩyɛ a, nɩ sa ɩkʋla ɩbɔ afɔlɩ mɔɔ ɩsɔ Gyehova anyɩ ɩávalɩ nwʋmɔ kɛɛ idi ehyinyia bubuloo nɩ. Nɩ sa bɔkʋla bɛfa esiami bɔbɔ afɔlɩ, naasʋ̃ nɩ Gyehova ɩpɩbɛ kɛɛ ɩkɛyɛ munkumunku, dɩkɛɛ mɔɔ nɩ bɛfa bɔsʋ̃mɩ ngyɛvʋlɔ aditili nɩ. (Gyn 18:6) Nnɛ sʋ̃, Gyehova yɩ anyɩ ɩsɔ yɛ “ayɛlɛyɩlɛ afɔlɩ” nɩ ɩávalɩ nwʋmɔ kɛɛ yɛ bʋwabɩlɛ ti yɛáhʋla yɛyɛ sʋ̃maa nɩ.—Hib 13:15.

Sɛ iluwa wʋ pɔkɔdɩlɛ ti, wʋáhʋla ɛyɛ sʋ̃maa dɩkɛɛ mɔɔ nɩ ɛyɛ wɔ bɔmʋnlɩ nɩ a, kɛ eyi ɩkɔhʋla ɩkɛhyɛ wʋ ɛzɩzɩbɛ ikeze a?

Mfonyini: Mmeliyema anwɩ̃ be mɔɔ bɛlɛ bɛ ‘ayɛlɛyɩlɛ afɔlɩ’ mɔɔ ɩdɩ baaba paa nɩ bɛmaa Gyehova. 1. Eliyema baalɛ be mɔɔ ɩsʋ̃mɩɩ wɔ manlɩ fʋlɔ zʋ nɩ ɩ nɩɩ baalɛ be tɩndɛɛ wɔ kua nu. 2. Eliyema baalɛ ebani be mɔɔ ɩkɛlɛɛ kɛlɛta wɔ yɩ awudo.