KILISINYIAMAA BƐ ƐBƖLAWƆLƐ

Sí Pɔkɔ Mɔɔ Nɣɛlɛbɛ Wɔ Numɔ Wɔ Nzã Mɔɔ Inyia Nwʋ

Mfonyini mɔɔ ɩwɔ vidiyo mɔɔ ise ‘Ansaana Ɔkɔnlʋ Nzã Nɩ, Dwɩnɩ Nwʋmɔ Bʋwɔ’ yi nu. Ɔwɔlɔ be mɔɔ ɩvɩdɩ yɩ agye mɔɔ ɩzʋ̃ nzã mɔɔ benyia be ɩlɛ numɔ nɩ nu ɩbaa.

Ɩsɛ kɛɛ Kilisinyiamaa munwala bɛhyɛ bɔ nwʋ zʋ wɔ nzã mɔɔ inyia nwʋ. (Ɛɣɛ 23:20, 29-35; 1Kɔl 6:9, 10) Sɛ Kilisinyianii be isi pɔkɔ kɛɛ ɩkɔnlʋ nzã a, ɩsɛ kɛɛ ɩfa adwɩnɩ itiã nwʋ. Íni kɛɛ ɩfa nzanlʋnlɛ ɩyɛ yi subanɩ ama ɩádʋndʋnlɩ abiyemmɔ bɛ agyia nu. (1Kɔl 10:23, 24; 1Tim 5:23) Meti, íni kɛɛ bɛhyɛ abiyela, yi titili nnwuakula, ma bɔnʋ nzã mɔɔ inyia.

KILÁ VIDIYO MƆƆ BƆDƲLƆ MƆƆ ISE ANSAANA ƆKƆNLƲ NZÃ NƖ, DWƖNƖ NWƲMƆ BƲWƆ, NA AKƲ̃ YƖ NDWOKƆƔIZIALƐ EYIMMƆ BO MUNWA:

Mɩnla ti mɔɔ ɩsɛ kɛɛ Kilisinyiamaa munwala betiye mmɛla mɔɔ ɩfalɩ nzã mɔɔ inyia mɔɔ bɔkɔnlʋ nwʋ a?—Wul 13:1-4
Mɩnla ti mɔɔ íni kɛɛ yɛma ɔhʋanɩ ma mmenii mvʋlɔ bɛhyɛ yɛ ma yɛnʋ nzã mɔɔ inyia a?—Wul 6:16
Kɛ ɩkɛyɛ na ɩádɔlɩ asianɩ mɔɔ ɩwɔ nzã mɔɔ inyia ɩnlʋnlɛ nu a?