Yɛda Gyehova Asɩ Wɔ Mʋnlʋmmɔ Bɔ Ɔlɔlɛ Ti

Tɛsalonika asafʋ yɩ nɩ bɛlalɩ ɔlɔlɛ ali behileli bɔ ɔhɔnwʋmmɔ Kilisinyiamaa ɩávalɩ nwʋmɔ kɛɛ nɩ bɔ nwʋ ɩhyɩlɩ bɛ. (2Tɛs 1:3, 4) Nnɛ sʋ̃, Gyehova yi mmenii bɛda ɔlɔlɛ eyi be la ali bekile mmeliyema mɔɔ bɔwɔ oyuwadɩ munwala nɩ. Ndwokɔ mɔɔ ɩba ɩtʋwadʋwa ɔzʋlɔ wɔ jw.org zʋ mɔɔ ise “How Your Donations Are Used” nɩ, ɩkã kezimɔ wʋ fʋtʋlɔ ɩbʋwa wʋ mmeliyema wɔ anwʋhyɩlɩlɛ mmɩlɩ eyi nu nwʋ odwokɔ. Yɛkamvʋ bɛ wɔ bɔ ɔlɔlɛ nɩɩ bo kunlumiba nɩ nwʋ.

KILÁ VIDIYO MƆƆ ISE “YƐDA NYAMƖNLƖ ASƖ EƔILE BELA WƆ MƲNLƲMMƆ TI,” NA AKƲ̃ YƖ NDWOKƆƔIZIALƐ EYIMMƆ BO MUNWA:

• Mɩnla nninyeni zɛ yɛ bɛfa yɛ fʋtʋlɔ nɩ bɛyɛ a?

• Mɩnla ɔhʋanɩ baaba zʋ yɛ yɛkɔhʋla yɛkɛva ozukua yɛkɔwʋwa ye mmeliyema mmenyia nɩɩ mmaalɛ mɔɔ behyinyia mmʋwalɩyɛ a?—Kila ndwokɔ mɔɔ ɩwɔ jw.org zʋ mɔɔ ise “Surplus Offsets a Deficiency” sʋ̃