Mɩnla Ɔhʋanɩ Zʋ Yɛ Mmeliyema Mmaalɛ Bɔkɔhʋla Bɛkɛyɛ Sʋ̃maa Bɛkɛma Gyehova a?

Mmeliyema mmaalɛ yɛ egyima baaba sʋ̃maa bɛfa bɔbʋwa Bulombunlililɛ egyima nɩ. (Ndw 68:11) Bɛyɛ Bayɩbʋlʋ dɩyɛzumanlɛ sʋ̃maa. Ɔhʋanɩbukolɛmaa munwala sʋ̃, bɔnlʋmmɔ yɛ bɔzʋnɩ paa a. Mmeliyema mmaalɛ abʋmɩ abʋmɩ sʋ̃maa bɔsʋ̃mɩ wɔ Bɛtɩlɩ, bɔsʋ̃mɩ kɛɛ odwokɔbadɛlɛlɛmaa, bɔbʋwa ma bekyina ngyina nniyia nɩɩ odwokɔtʋhilelɛmaa. Mmeliyema mmaalɛ mɔɔ bɔ nwʋ ɩwʋkwa bɛhyɛ bɛ abusunwa nɩɩ asafʋ yɩ ɛzɩzɩbɛ. (Ɛɣɛ 14:1) Ɩwɔ numɔ kɛɛ mmeliyema mmaalɛ bɛáhʋla bɔsʋ̃mɩ kɛɛ asafʋ nu mbanimbani nɩɩ azʋ̃mɩvʋlɔ dɩyɛ, naasʋ̃ sa bɔkʋla bɛfa bʋtayɩ azʋlɔtʋ besiyeziye bɛ anyɩ zʋ wɔ asafʋ yi nu. Sɛ ɛdɩ eliyema baalɛ a, mɩnla bʋtayɩ yɛ ɔkɔhʋla ɛkɛva ekeziye wʋ anyɩ zʋ a?

• Dá Kilisinyianɩ subanɩ nɩ be ali.—1Tim 3:11; 1Pit 3:3-6

• Bʋwá mmeliyema mmaalɛ mɔɔ béni ozumalɛnwʋnlɛ sʋ̃maa wɔ asafʋ yi nu nɩ.—Tay 2:3-5

• Yɛ́ sʋ̃maa wɔ dasɩlɛlilɛ egyima yi nu na ma idu mpʋnɩ

• Súma ɛdɩndɛlɛ fʋlɔ

• Kɔ́ kɔzʋ̃mɩ wɔ dɩka mɔɔ mmʋwalɩyɛ nwʋ ihyinyia

• Hyɩhyɛ́ Bɛtɩlɩ ɔzʋ̃mɩnlɛ fɔɔmɩ anzɛnyɩɩ tú wʋ nwʋ ma bʋwa tiyokɩlasi nniyiagyinanlɛ

• Hyɩhyɛ́ Bulombunlililɛ Odwokɔbahanlɛmaa Sukuulu fɔɔmɩ nɩ be

KILÁ VIDIYO MƆƆ ISE MMAALƐ “MƆƆ BƐYƐ EGYIMA ƐZƖZƖBƐ BƐMA NIIBENYIA,” NA AKƲ̃ YƖ ODWOKƆƔIZIALƐ EYI YI MUNWA:

• Mɩnla ɔhʋanɩ zʋ yɛ mɔɔ mmeliyema mmaalɛ nɩ bo nu bela ɩhanlɩ nɩ ɩhyɛ wʋ ɛzɩzɩbɛ a?