Kezimɔ Yekegyina Nsisi Munwa

Kɩnga Gyɛnɛsɩsɩ 37:​23-28; 39:​17-23 na suma debe wɔ kezimɔ Dwosefi gyinanlɩ nsisi munwa nɩ nu.

Sunzu odwokɔ yɩ nwʋ kɔ aɣinzi. Mɩnla ti mɔɔ bɛ nɩɩ Dwosefi iádi yi bʋwɔ a? (Gyn. 37:​3-11; 39:​1, 6-10) Na mmɩlɩ tɩndɩnlɩ ana yɛ nɩ ɩsɛ kɛɛ Dwosefi fa kyina nsisi yi munwa a? (Gyn. 37:2; 41:46) Wɔ ɔzɔ mmɩlɩ yɩ nu nɩ, mɩnla yɛ Gyehova yɛlɩ manlɩ Dwosefi a, na mɩnla yɛ ɩáyɛ ɩma yɩ a?—Gyn. 39:​2, 21; w23.01 17 ¶13.

Yɛ nwʋmɔ ɛbɩbɛlɛnu kɔ aɣinzi. Ɩwɔ numɔ kɛɛ Pɔtifa yɩ yɩ lili awohwi dianlɩ Dwosefi zʋ dɩyɛ, naasʋ̃ Bayɩbʋlʋ yɩ ɩáhã kɛɛ ɩyɛlɩ debe kɛɛ ɩlɛ ituduaa kele yɩ nwʋ wɔ odwokɔ mɔɔ bɛva bedianlɩ yɩ zʋ nɩ nwʋ. Mɩnla ɔhʋanɩ zʋ yɛ ɛhɛlɛlɛndwokɔ eyimmɔ bʋwa yɛ ma yɛnwʋ sianti mɔɔ ebiye a Dwosefi ɩáyɛ odwokɔ yɩ nwʋ dɩyɛ bela, anzɛnyɩɩ sianti mɔɔ íni kɛɛ yekila ɔhʋanɩ kɛɛ yɛkɔnwʋ mɔɔ izili yi nwʋ ndwokɔ munwala wɔ Bayɩbʋlʋ yi nu a? (Ɛɣɛ. 20:2; Dwɔ. 21:25; Egy. 21:​37, NWT) Mɩnla subanɩ azʋlɔtʋ yɛ ɩkɛyɛ kɛɛ ɩwʋwalɩ Dwosefi ma igyinanlɩ nsisi yi munwa a?—Mik. 7:7; Lk. 14:11; Gye. 1:​2, 3.

Pɩbɛ ozumalɛdɩyɛ mɔɔ ɩwɔ numɔ. Bizia wʋ nwʋ kɛɛ:

• ‘Kɛ Gyisɛsɩ yɩ tʋwavʋlɔ nɩ, mɩnla nsisi yɛ mʋkɔhʋla mikeyiyia a?’ (Lk. 21:​12, 16, 17; Hib. 10:​33, 34)

• ‘Mɩnla yɛ mʋkɔhʋla mɩkɛyɛ kɛva keziyeziye mʋ nwʋ na mɩahʋla miagyina nsisi munwa a?’ (Ndw. 62:​7, 8; 105:​17-19; w19.07-TW 2-7)