Miˬyehˇ aˬ joˆ˗ehˇ noeˬ taˬ˗euˬ nga?

Miˬyehˇ aˬ dui˗ahˇ suˬ saˬ˗eu jeˬ maˬ jaˆ˗eu miˇ tsaˬ baˬlaˬdiˇsuˆ˗ahˇ, mˬ maˬ maˬ byaˆ zaˇ ziˇ laꞈ kʼaˬ tiˬ cehˇ bi jawˇ mawꞈ˗eu meh.

‘Aˬ joˆ˗ehˇ pyeuꞈ leˇ nya˗eu?’ lehˇ nawˇ noeˬ tehꞈ˗a. Jaˇliꞈ laꞈ kʼoeˇ ehˇ˗eu, Miˬyehˇ Miˇ kʼahˬ gaˇ kawˆ heu deuˬ˗ahˇ pyeuꞈ leˇ ni mˇ ma lehˇ ehˇ taˬ˗euˬ meh. Miˬyehˇ aˬ dui yawˬ gʼaˬ na luꞈ˗ahˇ, Miˬyehˇ Miˇ kʼahˬ gaˇ kawˆ hawˇ˗eu aˬ dui laꞈ taꞈ aˬ yawꞈ neh noeˬ taˬ˗euˬ jeˬ˗ahˇ bi dzaw geuꞈ mawꞈ˗eu meh.—Ja ceuˬ 37:11, 29; Iˇsaˬyaˇ 9:7.

Miˬyehˇ aˬ dui˗ahˇ, yaw muiˬ jeˬ bi za mawꞈ˗eu meh.

Aˬ da tiˬ gʼaˬ yawˬ ha˗euˬ zaˬ˗ahˇ yaw muiˬ jeˬ bi za mawꞈ˗eu loꞈ˗ehˇ duˇ ni, mˬ kʼoeˇ taˆ jawˇ˗eu aˬ dui maꞈ˗euˬ Aˬda kʼawꞈ, aˬ dui yawˬ gʼaˬ na luꞈ˗ahˇ, nui saˇ bi za mawꞈ˗eu meh. (Iˇsaˬyaˇ 48:17, 18) “Miˬyehˇ˗euˬ nui kʼahˇ mˇ˗eu tsawˇ haˬ˗aˬ, mˬ maˬ maˬ byaˆ zaˇ ziˇ ya dehꞈ tehꞈ˗a” lehˇ, Miˬyehˇ saˇ jaˇ dzaˬ taˬ˗euˬ meh.—1 Yoˇhaˬ 2:17.

Miˬyehˇ aˬ dui˗ahˇ, aˬ yawꞈ˗euˬ gaˇ ma˗ahˇ bi cah mawꞈ˗eu meh.

Beh˗euˬ yaw sahˇ gʼaˬ neh, “aˬ yawꞈ˗euˬ gaˇ ma˗ahˇ aˬ dui cah nya ni, aˬ yawꞈ neh bi mehˬ bi tsoˆ leˇ kaˇ˗euˇ” lehˇ, Jaˇliꞈ laꞈ kʼoeˇ ehˇ taˬ˗euˬ meh. (Iˇsaˬyaˇ 2:2, 3) “Aˬ yawꞈ˗euˬ tsawˇ myahˇ bi baꞈ˗eu lehˇ” zaˬ lahˇ deuˬ˗ahˇ bi uiˬ laˇ˗eu heu naˇ, miˇ tsaˬ zaˬ deuˬ˗ahˇ, aˬ yawꞈ neh noeˬ taˬ˗euˬ jeˬ bi mehˬ nehˬ˗eu lehˇ meh.—Gʼaˬkʼehˇ 15:14. (Jaˇliꞈ yaw shuiꞈ 1997)

Uˬ duˬ tahˬ gaˇ Miˬyehˇ aˬ dui˗ahˇ mehˬ bawˬ bi gm mawꞈ˗eu meh.

Yeˬhawˇbaˬ Miˬyehˇ˗ahˇ uˬ duˬ tahˬ˗eu heu naˇ, tsawˇ haˬ zaˬ˗ahˇ maˬ bi pyaˆ iˇ˗eu uˬ taꞈ, gʼoeˇ˗eu gaˬ˗eu laꞈ kʼoeˇ mehˬ bawˬ paˇ bi gm dzehˬ laˇ˗eu meh. (Yoˇhaˬ 13:35) Mehˬ bawˬ gm˗eu laꞈ kʼoeˇ, Miˬyehˇ gaˇ mˇ˗eu gʼaˇ duˬ, miˇ kʼahˬ doe ni iˇ˗awˇ mehˬ nehˬ luꞈ˗eu aˬ geu deuˬ nga? Aˬ geu deuˬ nga lehˇ, paˇ dmˬ heu dmˬ˗ahˇ poˆ tseˇ haw˗awˬ.