Shiˬ keuˇ ni gʼeh˗eu jeˬ yuˇ laˬ laˇ

1. Nymˇ aˬ dui noeˬ tmˬ jeˬ maˬ jaˆ deuˬ nehˬ˗ehˇ jawˇ.

Miˬyehˇ gaˇ ma˗ahˇ tsawˇ haˬ maˬ mawˇ.

Dui tsaˬ gaˇ ma˗ahˇ cah nya ni sheuˬ gʼeh jeˬ loˬ.

Dui yawˬ ha tehꞈ˗ehˇ mˇ maˬ pyeuꞈ leˇ.

Dui mehˬ bawˬ noeˬ tmˬ jeˬ biꞈ shiˬ keuˇ ni laˇ,

aˬ dui jah jeˬ gʼaˬ bi kʼaˆ laˇ.

Dui muiˬ jeˬ mˇ ni laˆ noeˬ gaˇ kawˆ ya gaˬ,

dui leh jeh daˆ leꞈ ni caw ba.

Yeˬhawˇbaˬ dawˬ tiˬ jeˬ gʼeh neh˗iˬ maˬ byehˇ dzeh.

Aˬ dui Miˬyehˇ nui noeˬ mˇ mawꞈ.

Dui mehˬ bawˬ tsaˬ jeˬ mˇ ni mehˬ nehˬ laꞈ awˇ,

aˇ dui tsaˬ jeˬ˗ahˇ gaˬ ni caw ba.

2. Dui maꞈ loˬ jeˬ ahˇ Yeˬhawˇbaˬ siˬ nya meh.

Aˬ dui yawꞈ ehˇ gaˇ ya naˇ haˬ.

Aˇ yamˬ ya zeuˇ mehˬ bawˬ ahˇ oe eu gʼaˇ duˬ,

toˆ˗ehˇ jahˇ naˇ nui ma taˬ Miˬyehˇ˗ahˇ.

Miˬyehˇ˗ahˇ yaw zeu baw aˬ li deuˬ neh mehˬ jeˬ,

aˬ dui jah eu jeˬ bi mˇ mawˇ.

Gʼaˬ ahˇ laˇ nui jah taꞈ eu gaˬ mehˇ nmˇ˗ahˇ neh,

aˇ dui tehꞈ˗ehˇ maˬ ngeuˇ lehˇ siˬ laˇ.

Nymˇ iˬ nah naˆ maˬ tseˇ muiˬ dzehˬ yamˬ jaˆ meh.

Mehˇ nmˇ nehˬ˗ehˇ mawˇ dzoeˇ awˇ bawˬ dzaˬ.

Dui bawˬ dzaˬ duˬ ahˇ mˬ taˆ nui gahˇ ahˇ zmˬ˗awˇ,

aˬ joˆ˗ehˇ ya dehꞈ eu lehˇ ya siˬ.